ده‌وله‌تا ترکیێ هێزەکە نوو یا لەشکەری ئانین چەپەرێن خوە یێن ل پارێزگەها ئدلبێ و ل دەڤەرا «پووتین – ئەردۆگان»، بجیهـ كرن، ئه‌ڤ ژی دبه جارا دویه‌مین د مه‌ها ته‌باخێ ده كو ده‌وله‌تا ترك هێزێن له‌شكه‌ری دشینه سووریێ.
ره‌وانگه‌ها سووری یا مافێن مرۆڤان، ئیرۆ رۆژا یه‌كشه‌می 14\8\2022ێ به‌لاڤ كر كو کاروانەکە لەشکەری یێ ئارتێشا تركیێ ژ دەریێ سینۆریێ «باب ئەلـ هاوا» دەرباسی باکورێ ئدلبێ بوو.
ده‌ستنیشان كر، ل شه‌ڤا ده‌رباسبوویی ژی پشتی نیڤێ شەڤێ تانک، وەسایتێن زرخی، کەلووپەلێن لەشکەران، رۆکەتهاڤێژ و ئالاڤێن لۆژیستیک هاتن و بەر ب بارەگەهێن ئارتێشا ترک یێن ل «جەبەل ئەل-زاویێ» ڤە کەتن رێ و جهێن دن ل گوندەوارێ ئدلبێ.
د 19ێ تیرمەهێ دە، چالاکڤانێن رەوانگەها سووریێ چاڤدێریا هێزێن لەشکەری یێن ترکیێ ل سەر رێیا ئه‌ریحا یا ل گوندەوارێ ئدلبێ کرن، کو تێ دە گەلەک چەکێن گران و ئۆتۆمبیلێن زرخی د ناڤ دەنە، بەر ب خالێن ترکیێ ل «جەبەل ئەل-زاویێ» و گوندەوارێ ئدلبێ ڤە دچوون.
