هێزێن ئهولههیێ یێن تركیێ ل پارێزگەها مێرسینێ، 8 كهس ب سووچا ئهندامهتی و ئالیگرییا رێخستنا پهكهكێ دهستهسهر كرن.
هێزێن شاخا تەرۆرێ یا رێڤەبەریا ئەولەکاریا مێرسینێ، ب سووچا كو ل سەر سۆسیال مەدیایێ «پرۆپاگاندایا پهكهكێ» کرنە ژ بۆ دەستەسەرکرنا 10 کەسان ل ناڤەندا مێرسین و ناڤچەیێن تارسوس و سلفکەیێ ب سەر هەژمارەک مال دە گرتن.
د ئۆپەراسیۆنا پۆلیسان دە 8 کەس هاتن دەستەسەرکرن. هات راگهاندن کو بۆ دەستەسەرکرنا 2 کەسێن دن ژی کار و خەبات بەردەوامن.
ل گۆر ئاگاهیێن هاتنە بەلاڤکرن، 8 کەسێن دەستەسەرکری بۆ رێڤەبەریا ئەولەکاریا مێرسینێ هاتن برن.
ل باکورێ کوردستانێ و ترکیێ، هێزێن ئەمنی رۆژانە ب سەر مالان دە دگرن و ب «سووچا پهكهكێ» خەلکێ سڤیل و کەسێن سیاسەتمەدار دەستەسەر دکن. دۆهـ 14ێ تەباخێ ژی ل پارێزگەها رهایێ یا باکورێ کوردستانێ 6 کەس ب «سووچا پهكهكێ» هاتن دەستەسەرکرن.
