دەرڤەیی رەڤاندنێ، 2 بەرپرسێن پارتیان ل سینۆرێ رانیا و قەلادزێ ھاتنە گرتن، کو یەک ژ وان جیگرێ بەرپرسێ مالبەندا یەنەکێ یە ل رانیا ویێ دن ژی بەرپرسێ ھەڤپەیمانیا دەمۆکراسی بوو و نێزیکی 40 کەسێن دن ژی د بن ناڤێن جودا دا ھاتنە رەڤاندن و برنە قەندیلێ.
پەکەکێ ل سینۆرێ سلێمانیێ، دەست ب رەڤاندن و چاڤدێریکرنا خەلکێ کریە و پشتی ئیشکەنجە کرنا وان، ڤیدیۆ و وێنەیێن وان تێن گرتن و وان وەک میت پێناسە دکن. د ھەیاما چەند مەھێن بۆری دا جیگرێ بەرپرسێ مالبەندا یەنەکێ ل راپەرین «محەمەد شامەران» ژ ئالیێ پەکەکێ ڤە ھات رەڤاندن و پشترا ب فشارێن یەنەکێ ھات ئازاد کرن. محەمەد شامەران راگەھاند: “ھێڤیدارم تشتا ب سەرێ من ھاتی دوبارە نەبە. ژ بەر لھەڤتێنەگەھەشتن و ھن تشتێن دن ئەو یەک پێکھات، تشتا کو پێوەندیا ب ھوورگلیێن چوونا منا ژ بۆ قەندیلێ و سەدەما رەڤاندنا من ڤە ھەبیت، ھەموو ھوورگلی ل گەل یەنەکێ نە.”
پەکەکێ ل سینۆرێ راپەرین و رانیا نێزیکی 40 کەسێن دن رەڤاندنە کو بەشەک ژ وان ب تۆمەتا کارێ سیخوری و بەشەک دن ژی ب تۆمەتێن جودا ھاتنە رەڤاندن. چاڤکانیەکێ ژ مرلبەندێ یەنەکێ ل رانیا ژی راگەھاند: “پەکەکێ بریار دابە کو کەسەکێ بگرە، دێ گریت. ب تایبەت ل سینۆرێ کو لێ ب باندۆرن. بۆ نموونە ئەگەر ب فشارا یەنەکێ نەبا، محەمەد شامەران نەدھاتە ئازاد کرن. ژ بۆ کو ھەموو ئالیەکێ بەلگە هەبن، کو بزانن پەکەکە خەلکێ دگرە و وان ئیشکەنجە دکە و پشترا د بن ئیشکەنجێ دا ڤیدیۆ و وێنەیێن وان دگرە و دبێژە ڤایە وان بخوە ئاخافتیە. ئەندامێن وەک کادرۆ بربوون محەمەد شامەران، محەمەد ئیسماعیل و عەبدوللا شێرکۆ کو ناڤێ وان ھاتیە، لێ د ڤێ دەمێ دا پەکەکێ 5 ھەموەلاتیێن سڤیل ل گوندێن سینۆرێ راپەرینێ برنە. سەدەم ژی ژ بەر ئاساییشێن گوندان داخوازا ھەڤکاریێ ل وان 5 کەسان کریە، پەکەکێ ژی ئەو یەک وسا زانیە کو دژت وانە و ئەو ھەر 5 کەسە ژی رەڤاندنە.”
ھەروھا گۆت: “پەکەکێ ئەو خەلکە ئازاد نەکر، ژ بەر کو پەکەکێ گۆتبوو کەسووکارێن وان د راگەھاندنان دا ئاخافتنە. دەرڤەیی وان چەند کەسان ژی 9 کەسێن دن گرتی نە، مخابن ژ ئالیێ پەکەکێ ڤە ڤیدیۆیێن وان ژی ھاتنە گرتن و ئیشکەنجە کرن.”
ئەندامێ جڤاتا گشتی یا تەڤگەرا گۆڕان ل سینۆرێ رانیا ئەحمەد پیرۆت ژی راگەھاند: “پەکەکە ب چ ئاوایەکێ ب چ تشتەکێ ڤە پابەند نابە. بخوازن کێ ژی بگرن دگرن و دبنە قەندیلێ. ئەڤ ژی پرسگرێکەکا مەزنە. ژ بەر ئیدارە، حکوومەت و سازیێن ئەولەھیێ ژی وێ دەمێ بەرپرسن د بەر جانێ خەلکێ سڤیل دا کو بپارێزن.”
