ل رهایێ لەشکەرەکێ ترکیێ هات کوشتن و 4 لەشکەر بریندار بوون

riha-turkey-syria-army

مەدیایا فەرمی یا ترکیێ راگهاند، ل سەر سینۆرێ سووریێ، د ئەنجاما ئێریشەکێ دە لەشکەرەکی جانێ خوە ژ دەست دایە و 4 لەشکەر بریندار بوونە.

پارێزگاریا رهایێ دەربارێ ڤێ مژارێ دە داخویانیەک بەلاڤ کر و دا زانین کو ل باژارۆکێ بیرەجکێ یێ سەر سینۆرێ سووریێ، ل دژی بنگەها لەشکەری یا سینۆری یا چیچەکالانێ ئێریش هاتیە کرن و د ئەنجامێ دە لەشکەرەکی وان جانێ خوە ژ دەست دایە و 4 لەشکەر بریندار بوونە.

هات راگهاندن کو لەشکەرێن بریندار راکرنە نەخوەشخانەیێ و ئارتێشا ترکیێ هێزێن زێدەتر شاندنە جهێ ئێریشێ.

وەزارەتا به‌رگریا یا ترکیێ ب داخویانیەکێ ئەشکەرە کر، پشتی ئێریشێ چەند دەڤەر هاتنە ئارمانجکرن.

ژ ئالیێ دن ڤە ئیرۆ ژێدەرێن خوەجهی راگهاند، ئارتێشا ترکیێ ئیرۆ ژ دانێ سبێ ڤە، هەژمارەک گوندێن ناڤچەیا شێرەوا یا عەفرینێ، عاموودێ، دربێسیێ، زرگان و ناڤەندا باژارێ کۆبانێ تۆپباران کرن.

دەستەیا تەندروستیێ دیار کر، د تۆپبارانا ترکیێ دە ل كۆبانێ زارۆکەک شەهید بوو و 3 کەسێن دن ژی بریندار بوونە کو د ناڤا وان دە زارۆکەک هەیە.

ل گۆری ژێدەران ژی، ل شێرەوا زارۆکەک بریندار بوویە و ل ناڤچەیا زرگانێ ژی زارۆکەکی دن بریندار بوویە.

پوستێن ھەمان بەش