دادگەریا جەزایێ سولحێ یا دێرکێ دەربارێ بوویەرا ترافیکێ یا ل ناڤچەیا دێرکێ یا مێردینێ دا کو تێ دا 20 کەسان جانێ خوە ژ دەست دابوون، بریارا قەدەغەیا وەشانێ دا.
رۆژا 20ێ تەباخێ، ل ناڤچەیا دێرکێ یا ل مێردینێ بوویەرەکا ترافیکێ روودا و د وێ بوویەرێ دا 20 کەسان جانێ خوە ژ دەست دان و 26 کەس ژی بریندار بوون.
دادگەریا جەزایێ سولحێ یا دێرکێ دەربارێ بوویەرێ دا بریارا قەدەغەیێ دا و ئەڤ بریار ل سەر مالپەرا سازیا بلندا رادیۆ و تەلەڤیزیۆنێ ھات بەلاڤکرن.
ل سەر بەهانەیا بریارێ ھاتیە گۆتن: “ژ بۆ تەندورستیا گەل، ئەولەکاریا نەتەوی، نیزاما گشتی، ئەولەکاریا گشتی و پێشیگرتنا ل تاوانان، د مەدیایا نڤیسکی، دیتباری و ئینتەرنەت و مەدیایا جڤاکی دا، ھەموو نووچە، ھەڤپەیڤین، رەخنە و وەشانێن ب ڤی رەنگی ھەتا لێپرسین ب داوی ببە قەدەغە نە…”
ل ناڤچەیا دێرکێ یا مێردینێ یا باکورێ کوردستانێ رۆژا 20ێ تەباخێ تایێرەیا بارهەلگرەکێ تەقیا، بارهەلگر پێشی ل دو ئۆتۆمۆبیلان قەلیبی و پشترا کەتە ناڤ چایخانەیەکێ.
بوویەر ل نێزیکی بەنزینخانەیەکا ناڤچەیێ روودا. تایێرەیا وەساییتەکا بارھەلگر تەقیا و ل دو ئۆتۆمۆبیلان قەلبی. پشترا وەساییتەکا دنا بارھەلگر ژی کەتە ناڤ قەرەبالغا وەلاتیێن کو ژ بۆ ئالیکاریا بوویەرا ترافیکێ ل جھێ روودانێ بوون. د بوویەرێ دا 20 کەسان جانێ خوە ژ دەست دان و 26 کەس ژی بریندار بوون.
