ژ بەر کێمبوونا چەک و سیستەما بەرەڤانیێ د شەرێ ئوکراینایێ دا، رووسیا سیستەما خوە یا بەرەڤانیا ئاسمانی S-300 ژ سووریێ ڤه‌كێشا.
کۆمپانیایا ئیستیخباراتا تایبەتا ئیسرائیلی «ImageSatIntl» هنه‌ك دیمەن بەلاڤ کرن و تێدا خویا دکەت کو رووسیا سیستەما S-300 ژ سووریێ ڤەگوهاستیە رووسیایێ.
ImageSat International هن دیمەن وەشاندن کو نیشان ددە سیستەما S-300 یا کو ب سالانە ل نێزیکی باژارێ ماسیاف ل باکورێ رۆژئاڤایێ سووریێ ب جهـ بووبوو، د حەفتەیێن داویێ دەا هاتیە راکرن.
دیار کر ژی، رادارا ڤێ سیستەمێ ژ بۆ بارەگەها ئاسمانی یا حمێمیم یا رووسیایێ ل رۆژئاڤایێ سووریێ هاتیە ڤەگوهەستن و باتاریایێن S-300 ژی دەرباسی بەندەرا تارتوسێ بوونە و ل کەشتیەکا رووسیایێ کو بەر ب بەندەرا نۆڤۆرۆسسیسک یا دەریایا رەش ڤە دچوو، هات بارکرن.
وێ کۆمپانیایێ ئاماژە ب وێ دا، ژ بەر شەرێ ل ئوکراینایێ، کێمبوون د چەکێ رووسیایێ دروست بوویە، ژ بەر وێ نەچار بوویە کو سیستەما S-300 ژ سووریێ ڤەکێشیت و کێمبوونا خوە پر بکەت.
ل گۆری وەزارەتا بەرەڤانیێ یا بریتانیایێ، رووسیا ب مووشەکێن ئەرد-ئاسمان ل ئارمانجێن به‌ژاهی ل ئوکراینا ددەت، ئەڤ ژی نیشانەیا وێ یەکێ یە کو مۆسکۆ ب پرسگرێکێن چەکێن به‌ژاهی رە روو ب روو مایه.
سیستەما مووشەکێن S-300 د سەردەما سۆڤیەتا بەرێ دا هاتیا دروستکرن، جارا یەکەم ژی د سالا 1979ێ دا هاتە بجیهـ کرن، ژ بۆ رووبرووبوونا ئێرشێن ئاسمانی و مووشەکێن كرۆز هاتیه دروستکرن.
پشتی کو سیستەما بەرەڤانیا ئاسمانی یا سووریێ د 17ێ ئیلۆنا 2018ێ دا فرۆکەیەکا چاڤدێریێ یا رووسی د دەما ئێرشا ئاسمانی یا ئیسرائیلێ دا ل سەر دەریایا سپی خست خوارێ، رووسیایێ سیستەما بەرەڤانیا ئاسمانی یا S-300 ل سووریێ ب جهـ کربوو.
