سەرۆکێ جەهەپێ کەمال کلچدارئۆغلو بەربژێری ئانکو نامزەدیا خوەیا ژ بۆ پۆستێ سەرۆک کۆماریا ترکیایێ راگھاند. کلچدارئۆغلو ئاشکەرا کر، ئەگەر پارتیێن شەش قۆلی ل سەر نامزەدیا وی لھەڤ بکن، ئەو ژ بۆ ڤی ئەرکی ئامادەیە. سەرۆکێ جەهەپێ ھەر وھا ل سەر داخویانیا پارلامەنتەرەکێ خوە یا د دەرھەقێ ھەدەپێ دز زەلالکرنەک دا و گۆت، پارتیێن شەش قۆلی دێ بریارێ ل سەر دایینا پۆستێ وەزارەتەکێ بۆ ھەدەپێ بدن.
سەرۆکێ پارتیا گەل یا کۆمارێ (جەهەپە) کەمال کلچدارئۆغلو، ئامادەبوونا خوە ژ بۆ نامزەدیا پۆستێ سەرۆک کۆماریا ترکیەیێ راگھاند. کلچدارئۆغلو د بەرنامەیەکا تەلەڤیزیۆنی دا ئاشکەرا کر کو، گەر پارتیێن شەش قۆلی ل سەر نامزەدیا وی لھەڤ بکن، ئەو ژ بۆ ڤی ئەرکی ئامادەیە.
پارلامەنتەرێ جەهەپێ یێ ستەنبۆلێ گورسەل تەکینی د بەربنامەیەکا تەلەڤیزیۆنی دا گۆتبوو، ھەکە ئەو د ھلبژارتنان دا ب سەر بکەڤن، ئەو دکارن پۆستێ وەزارەتەکێ بدن پارتیا دەمۆکراتیکا گەلان (ھەدەپێ) و ڤێ ئاخافتن ژ ئۆپۆزیسیۆنێ ھەتا دەستھلاتێ گەلەک ئالی نەرازی کرنە.
سەرۆکێ جەهەپێ دەربارێ ئاخافتنا پارلامەنتەرێ خوە دا دیار کر، بریارا دانا وەزارەتەکێ ب ھەدەپەیێ، سەرۆکێن شەش پارتیان دێ بدن و گۆت: “دەما ئەم بریارێ بدن، ئەم دێ وەکی شەش سەرۆک روونین و بریارێ بدین. بریارێن شەش سەرۆکان ژی ب ئیمزەیەکێ ژ رایا گشتی را تێ راگھاندن. ھندەک کەس دکارن ئاخافتنێن خەیالی بکن. ل ڤر یا گرینگ، بریارا شەش سەرۆکانە.”
ھلبژارتنێن سەرۆک کۆماریا ترکیەیێ دێ د خزیرانا 2023یێ دا هێنە کرن و ھەتا نھا تەنێ سەرۆکێ ئاک-پارتیێ تەیییپ ئەردۆگان نامزەدیا خوە راگھاندیە و سەرۆکێ مەھەپێ دەولەت باخچەلی ژی رۆژا یەکشەمێ ئەشکەرە کربوو کو نامزەدێ وان ئەردۆگانە.
