ئارتێشا ئوکراینایێ ئازاد کرنا چەند ناڤچەیێن وەلاتێ خوە راگەھاند

ئارتێشا ئوکراینایێ ئازاد کرنا چەند ناڤچە و باژارۆکێن ل باشوور و رۆژھلاتێ وەلاتێ خوە راگھاند، کو ژ ئالیێ ھێزێن رووسیایێ ڤە ھاتبوون داگیرکرن.

ئیرۆ پێنجشەمبێ 8ێ ئیلۆنا 2022یێ، ئارتێشا ئوکراینایێ ئاشکەرا کر، ھێزێن وان ل باشوورێ وەلات ناڤچەیێن دۆنباس و کھارکڤ، چەند ناڤچە ئازاد کرن.

ئۆلەسکی گرۆمۆڤ، ئەفسەرێ ل سەرکرداتیا ئارتێشا ئوکراینایێ ئاشکەرا کریە، ھێزێن وان ل باشوورێ وەلات کارینە رێزێن ئارتێشا رووسیایێ تێک ببن، ھەروھا ل رۆژھلاتێ وەلات ژی ل ناڤچەیا دۆنباس، ھێزێن وان پێشڤەچوونێن بەرچاڤ تۆمار کرنە.

ژ 24ێ شوباتا 2022یێ ڤە ئارتێشا رووسیایێ ئێریش کریە سەر ئوکراینایێ و بەشەکێ ئاخا وی وەلاتی داگیر کریە.

دۆنباس کو ژ ھەردو ھەرێمێن دۆنەتسک و لوھانسکێن ل رۆژھلاتێ ئوکراینایێ پێک تێ، چار سال (2014-2018) جھێ ململانیا ناڤبەرا ئارتێشا ئوکراینا و چەکدارێن جوداخوازێن ئوکراینایێ بوو، بەشەکێ مەزنێ نشتەجیێن وان ھەرێمان ب زمانێ رووسی دئاخڤن، ژ سالا 2014ێ ڤە رووسیا ھێزێن ل وان ھەرێمان ل دژی حکوومەتا ئوکراینایێ، خوەدی چەک دکە.