ئاژانسا ئیستخباراتا ترکیێ (میتێ) راگهاند کو وان 3 چەکدارێن پهكهكێ ل ناڤچەیا خەلیفانا سەر ب قهزایا سۆران ڤه ل باشوورێ كوردستانێ کوشتنە.
ل گۆر نووچەیا ئاژانسا فەرمی یا حکوومەتا ترکیێ، ئاژانسا ئیستخباراتا وی وەلاتی (میتێ) د ئۆپەراسیۆنەکێ دە ل ناڤچەیا خەلیفانێ یا ناڤچەیا سۆرانێ 3 چەکدارێن پهكهكێ کوشتن.
یەک ژ چهكدارێن کو هاتنه كوشتن ب ڤهدات ئاکساچ و كۆدناڤێ شاهان تێ ناسكرن كو بهرێ ب نهێنی ژ بۆی پهكهكێ د خهبتی و ل سالا 2015ێ ژی د ناڤا پهروهردههیا بۆمبهكرنێ وهرگرتیه.
بەری نها سازیا دژهتهرۆرێ یا حكوومهتا هەرێما کوردستانێ راگهاندبوو، دانێ ئێڤارا رۆژا دوشهمی 5\9\2022ێ فرۆکەیەکە بێ فرۆکەڤانا نەناس ل دەشتا بالیسان، هێزەکە چەکدارێن پهكهكێ کریە ئارمانج.
ل گۆری ئاگاهیان، کۆمێن چەکدارێن پهكهكێ ژ سینۆرێ رێڤەبەریا راپەرینێ رەڤیان و ل گەلیێ بالیسانێ بوون هەدەفا بالافرێن بێ مرۆڤ.
دو رۆژان پشتی بوویەرێ، د 7ێ ئیلۆنا 2022ێ دە، پهكهكێ د داخویانیەکێ دە راگهاندبوو، کو ل سینۆرێ خەلیفان 5 گەریڵا هاتنە ئارمانجکرن و 3 ژ وان هاتنە کوشتن و 2 ژی بریندار بوونە.
