سەرۆکا IYI پارتی مەرال ئاکشەنەر بەشداری بەرنامەیەکا فۆکس تیڤی یا ترکی بوو و راگەھاند، ھندەک ئاگاھی گەھەشتنە وان کو پارتیا دەستھلاتێ (ئاکەپە) ل ئیمرالی ل گەل ئۆجالان دانووستاندنان دکە.
مەرال ئاکشەنەر راگەھاند: “ئەز بانگ ل دەولەت باخچەلی دکم، د جیھا ب مە ڤە مژوول ببە، ھندەک ئاگاھی گەھەشتنە دەست مە کو، دەستھلاتداریا ئاکەپێ ل ئیمرالیێ ھندەک رێزە ھەڤدیتن دانە دەستپێ کرن. سبە دێ ژ نشکاڤە نامەیەک بگەھە دەستێ وی. ئەز ژ هەستێن خوە ڤە نابێژم. ئەز وەک ئاگاھیەکا کو من بیھیستیە دبێژم. دەستھلاتداری ل ئیمرالیێ ل گەل ئۆجالان ھەڤدیتنان دکە.”
مەرال ئاکشەنەر دەربارێ مێزەیا 6 ئالی دا ژی گۆت: “ئەو مێزە پلاتفۆرما ئەقلێ ھەڤبەشە. بەربژێرێ سەرۆک کۆمارتیێ دێ ژ وێ مێزێ ب گۆتووبێژان هێت دیار کرن. بەربژێرەکی کو بکارە سەربکەڤە. بەربژێرێ کو ببێژە ئەم دێ دەرباسی سیستەما پارلامەنتەری ببن و کەسەکی خوەدی ئەزموونێن دەولەتێ دێ ببە بەربژێرێ مە و ببە بەربژێرێ ھەڤپەیمانیا میلەت. تشتا کو پێویستە ببە ئەڤە.”
