وەزیرێ دەرڤە یێ ترکیێ مەولود چاڤوشۆغلو کارڤەدان نیشانی گۆتنێن سەرۆکوەزیرێ یوونانستانێ کریاکۆس مچۆتاکس نیشان دا و گۆت: “ئەم ب خوە دەم و جھێ کو ئەم دێ چینێ دیار دکەین.”
سەرۆکوەزیرێ یوونانستانێ کریاکۆس مچۆتاکس ل پاریسێ لگەل سەرۆکێ فرانسایێ ئەمانوێل ماکرۆن جڤیا و د ئاخافتنا خوە دا ئاماژە ب گۆتنێن سەرۆک کۆمارێ ترکیێ رەجەب تەییب ئەردۆگان کر و گۆت: “ئەم د رۆناھیا سبەھێ دا ل بەندا وان کەساینە کو دبێژن ئەم دێ د شەڤەکێ دا هێین. رۆناھیا سبەھێ دێ نیشان بدە کی مافدارە و ھێزا راستین ل کیژان ئالی یە.”
وەزیرێ دەرڤە یێ ترکیێ مەولود چاڤوشۆغلو ل سەر ڤان گۆتنێن کریاکۆس مچۆتاکس بەرسڤ دا و گۆت: “ئەم ب خوە دەم و جھێ کو ئەم دێ چینێ دیار دکەین.”
مەولود چاڤوشۆغلو گۆت: “ژ بۆ کرینا فرۆکەیێن F16 مە کێشە لگەل ئامەریکایێ دا نینە.”
ھەروھا داخواز کر کو ئالۆزیێن ناڤبەرا ئازەربایجان و ئەرمەنستانێ ب داوی ببن.
ھەفتەیا بۆری یەکەیێن پاسەوانی یێن پەراڤێن یوونانستانێ، تەقە ل کەشتیەکا ترکیێ کربوو و ئەڤە بووبوو سەدەما نیگەرانبوونا رایەدارێن ترکیێ.
