سویسرایێ ل سەر کرینا فرۆکەیێن شەر لگەل ئامەریکایێ رێکەفتن ئیمزا کر

حکوومەتا سویسرایێ رێکەفتنەک ژ بۆ کرینا فرۆکەیێن شەرێن جوورەیا F-35 لگەل ئامەریکایێ ئیمزا کر.

ئۆفیسا پرچەککرنا فەدەرال کو سەر ب حکوومەتا سویسرایێ یە، راگھاند؛ وان لگەل ئالیێن پێوەندیدارێن ئامەریکایێ، دەربارێ دابینکرنا 36 فرۆکەیێن شەرێن جوورەیا F-35 ل ھەڤ کرنە.

د چارچۆڤەیا رێکەفتنێ دا، رادەستکرنا فرۆکەیان ژ سالا 2027 ڤە دەست پێ دکە و ھەتا سالا 2030 بەردەوام دبە، فرۆکەیێن F35 د ھێزێن ئەسمانی یێن سویسرایێ دا جھێ فرۆکەیێن جوورەیا F/A-18 ھۆرنەتس و F-5 تگەرس دێ بگرە.

ل سەر ڤێ مژارێ، لژنەیا پشکنینێ یا پارلامەنتۆیا سویسرایێ راگھاند، ئەنجامدانا رێکەفتنێ “جھێ نیگەرانیێ یە”، لێ بەلێ “بەرەڤاژی یاسایان نینە.”

ئۆپۆسیزیۆنا سویسرایێ ل سەر ڤێ مژارێ کامپانیایەکا ب ناڤێ “کرینا F-35ان راوەستینن” راگھاند، ب ڤێ کامپانیایێ ئیمزا ل دژی کرینا فرۆکەیێن شەر کۆم کرنە.