سەرۆکێ پارتیا وه‌ته‌ن یا ترکیێ دۆگو پەرینچەک راگهاند کو حكوومه‌تا سووریێ سەره‌دانا وی و شاندا پارتیا وی بۆ سووریێ پاش ئێخستیە.
سەرۆکێ پارتیا وه‌ته‌ن دۆغو پەرینچەک 21ێ ئیلۆنا 2022ێ ل سەر کانالەکە تەلەڤیزیۆنێ کو خوەدیێ وێ یە راگهاند کو سەره‌دانا شاندا پارتیا وی ژ ئالیێ حكوومه‌تا شامێ ڤە هاتیە پاشئێخستن.
دۆغو پەرینچەک گۆت: «گۆتن ئەم ل گۆر پلانا بەشار ئه‌سه‌د بۆ دەمەکێ دێ سەره‌دانێ پاش بێخین. ل سەر داخوازا وان سەره‌دانا مە هات پاشخستن. لێ ئەز تشتەکی دن بێژم. وەک چاوا د پەیوەندیێن ترکیە-رووسیایێ دە بوو د پەیوەندیا پارتیا وه‌ته‌ن و سووریێ دە ژی چەند موداخەلەیێن باسکێ ئامەریکی یێ حكوومه‌تا تاییپ ئەردۆگان چێبوون».
دەمەکە د ئاستەکێ بلند دە ل ترکیێ بەحسا ئاساییکرنا پەیوەندیێن ترکیێ و سووریێ تێ کرن و دهات چاڤەرێکرن کو سەره‌دانا سەرۆکێ پارتیا وه‌ته‌ن و شاندا پێ رە بۆ سووریێ د وێ چارچۆڤەیێ دە بە.
