چالاکڤانێن مافێن مرۆڤان ل باژارێ ھەولێرێ ل بەر بارەگەھا نەتەوەیێن یەکبوویی کۆم بوون و پشتەڤانیا خوە ژ بۆ مافێ رەوایێ گەلێ رۆژھلاتێ کوردستانێ نیشان دان.
ئیرۆ شەمبیێ 24ێ ئیلۆنێ، ب سەدان چالاکڤانێن باشوور و رۆژھلاتێ کوردستانێ ل بەر بارەگەھا نەتەوەیێن یەکبوویی خوەپێشاندان کر.
خوەپێشاندان ژ بۆ پشگریا مافێ کوردان بوو، ب تایبەتی ژنێن کوردێن ل رۆژھلاتێ کوردستانێ و یاداشتەکە نەرازیبوونێ ژی رادەستی نەتەوەیێن یەکبوویی ھات کرن.
کوشتنا ژینا ئەمینی ژ ئالیێ پۆلیسێن تەھرانێ ڤە، کارڤەدانێن ناڤخوە و ناڤدەولەتی ل پەی خوە ئانین.
د ئاستا ناڤخوە دا خەلکێ زێدەتری 100 باژار و باژارۆکێن ئیرانێ دەرکەتن کۆلانان و ھەتا ئێڤارا ئینێ (23یێ ئیلۆنێ) بەردەوام بوون. د خوەپێشاندانان دا ئالۆزی دەرکەتن و تەلەڤیزیۆنا فەرمی یا ئیرانێ راگھاند کو ھەتا نھا 35 کەسان جانێ خوە ژ دەست دانە.
