وەزیرێ بەرەڤانیێ یێ ترکیێ ھولوسی ئاکار راگھاند، ھێزێن ترکیێ 27ێ ئیلۆنێ 140 کیلۆمەترەیان چوونە ناڤ خاکا ئیراقێ و ل چیایێ ئاسۆس 16 شکەفت و بارەگەھێن فەرمانداریا پەکەکێ ژ ناڤ برنە.
ئیرۆ پێنجشەمێ 29 ئیلۆنا 2022، وەزیرێ بەرەڤانیێ یێ ترکیێ ھولوسی ئاکار ژ بۆ مەدیایا وەلاتێ خوە راگھاند، ھێزێن ئارتێشا ترکیێ رۆژا سێشەمێ 27ێ ئیلۆنا 2022، ب کووراھیا 140 کیلۆمەترەیان چوونە ناڤ ئاخا ئیراقێ.
ھولوسی ئاکار ئەشکەرە کر کو ئارتێشا ترکیێ ل چیایێ ئاسۆس 16 شکەفت و بارەگەھا فەرمانداریا پەکەکێ ژ ناڤ برنە.
ئەڤ داخویانیا وەزیرێ بەرەڤانیێ یێ ترکیێ د دەمەکێ دایە کو ئیرۆ فرۆکەیێن شەر یێن ترکیێ دەڤەرا برادۆست ل سینۆرێ باژارۆکێ سیدەکانێ بۆمبەباران کر. ل گۆر زانیاران ژی، جھێ ھاتیە بۆمبەبارانکرن، بارەگەھێن پەکەکێ لێ یە.
