چالاکڤانێن بەلووجی ددن زانین، بەرپرسێ ئیتیلاعات و استخباراتا سپایێ پاسداران ل سیستان و بەلووجستان و جیگرێ وی ب گوللـەیێن چەکدارێن نەناسکری هاتن کوشتن و 3 ئەندامێن سپایێ پاسداران ژی بریندار بوون.
پارێزگەها سیستان و بەلووجستان، یەک ژ 31 پارێزگەهێن ئیرانێ یە. ئەو ل باشوورێ رۆژهلاتێ ئیرانێ ل سەر سینۆرێن پاکستان و ئافگانستانێ یە. پایتەختا وێ ژی باژارێ زاهدانە.
پشتی بوویەرا کوشتنا کەچا کوردا رۆژهلاتێ کوردستانێ ژینا ئەمین رۆژا 16ێ مەها بۆری ل تەهرانێ کو مالباتا وێ دبێژە ئەو ژ بەر ئەشکەنجەدانا ژ ئالیێ هێزێن ئەولەکاریێ ڤە هاتیە کوشتن، گەلەک کارڤەدانێن ل سەر ئاستا ناڤخوە و ناڤدەولەتی ل پشت خوە ئانین و خوەپێشاندانان ل گەلەک باژارێن رۆژهلاتێ کوردستانێ و ئیرانێ دەست پێ کرن.
