فەیلەسۆف و نڤیسکارێ ناڤدارێ فرانسی بەشداری جڤینەکا ل سەر پرسا کورد ل رۆژھلاتێ کوردستانێ بوو و تەکەزی ل سەر پشتەڤانیا خوە بۆ کوردان بکە.
ھەروھا برنارد ھێنری لەڤ دبێژە: “بەری دو سالان ئەز لگەل ھەڤالێ خوە سیروان بارزانی ل چیایێ قەرەچۆخێ بووم و دیمەنێن دەما کو پێشمەرگە نوو دەست ب ئۆپەراسیۆنێ کربوون کشاندن. د داویا ئۆپەراسیۆنێ دا پێشمەرگەیەکی ژ من پرسی: “تو یەک ژ شێورمەند و کەسێن کو ل سەر دۆسیا مە دخەبتی؟ من بەرسڤ دا و من ئەو کر سەحنەیا داوی یا فیلمێ خوە، من گۆت ئەزێ ھەتا داویا ژیانا خوە ب کوردان رە بمینم.”
ھەروھا برنارد- ھێنری لەڤ دبێژە: “ئەز د سالا 1991ێ و 2014ێ دا ژی ل کوردستانێ بووم. د دەما شەرێ مووسلێ دا ئەز ل ڤر بووم. ئەز گەلەک بەختەوار و سەربلندم و ب راستی سەربلندم کو ئیرۆ ل ڤرم. حکوومەتا ھەرێما کوردستانێ ب وێ یەکێ تێ تۆھمەتبارکرن کو دبە سەدەما نەئارامیا وەلاتێن جیران، من ئەڤ راستی دیت کو برایێن کوردێن ئیرانێ کو وە پەنابەری ھەرێما کوردستانێ کرنە، خەلکێ ئارام و ئارامن کو ب سالانە ژ ئیرانێ دەرکەتنە چالاکیێن لەشکەری ئەنجام نادن، ژ بلی سالا 2014ێ کو ل گەل برایێن خوەیێن ل ھەرێما کوردستانێ شەرێ تەرۆرێ کرن، ئەز چووم وان دەڤەران و من ل سلێمانیێ سەردانا وان کر. ئەز دزانم و پشتراستم کو چ تەڤگەرەکا لەشکەری یا ڤان برایێن کورد ل دژی ئیرانێ نینە، چ بەهانە نینە کو ئیران ڤان ئێریشان ل دژی ھەرێما کوردستانێ بکە. لێ ئەڤ تێگھیشتنا وەلاتێن ھەرێمێ ل ھەمبەر حکوومەتا ھەرێما کوردستانێ ھەیە و وێ تۆمەتبار دکن.”
د بەردەوامیێ ژی دا برنارد- ھێنری لەڤ گۆت: “ل ھەرێما کوردستانێ رێزگرتنا ژ مافێن مرۆڤان و ژنان ھەیە، بھەڤرا ژیان و خوەشبینیا ئۆلان ھەیە. ھەرێما کوردستانێ ژ بۆ گەلەک خەلکێن جیھانێ خەزینەیەک و نموونەیەکا خوەشە، خەلک ژ بۆ تەماشەکرنا ڤی کارێ خوەش تێن و دترسن کو ئەڤ نموونە ل وەلاتێن وان بەلاڤ ببە. ژ بۆ رووبرووبوونا زەختان تشتا یەکەم یەکیتییە. ب دیتنا من گەلەک باشە کو ھەتا ژ دەستێن وە تێ، وەفاداریا خوە بۆ وەلاتێ خوە نیشان بدن، مژارا پابەندبوونا حکوومەتا ھەرێما کوردستانێ و سەرکردەیێن کوردستانێ ب ھەڤالبەند، دۆست و جیرانێن خوە و یا ھەری گرینگ ژی ژ بۆ ئیراقێ گرینگە.”
