ل خانەقینێ جارەکا دن کار ژ بۆ چۆلکرنا سازیێن حکوومی یێن ھەرێما کوردستانێ تێ کرن 

ل خانەقینێ جارەکا دن کار ژ بۆ بێ چۆلکرنا سازیێن حکوومی یێن ھەرێما کوردستانێ تێ کرن 

فەرماندارێ ئۆپەراسیۆنێن ھەڤبەشێن دیالایێ بانگ ل ھێزێن پۆلیس و ئاساییشا خانەقینێ کر کو د زووترین دەم دا ناڤەندێن خوە ڤالا بکن.

ل گۆر زانیاریێن باس نیوسێ، فەرماندەیێ ئۆپەراسیۆنێن ھەڤبەشێن دیالایێ داخواز ژ ھێزێن پۆلیس و ئاساییشا ھەرێما کوردستانێ کریە کو د زووترین دەم دا ناڤەندا خوە ل خانەقینێ ڤالا بکن.

پشتی بوویەرێن 16ێ جۆتمەھا 2017ێ، ناڤەندا ھێزێن کوردی ل خانەقینێ کێم ببوون و ڤەکشیان، لێ پشترە بەشەک ژ وان ڤەگەریان، تەڤی کو ئێدی وەکە بەرێ رۆلا وان نەمایە، لێ ناڤەندا پۆلیسێن خانەقینێ یا گرێدایی حکوومەتا ھەرێما کوردستانێ یە.

باس نیوسێ پێوەندی ب پارێزگارێ خانەقینێ دلێر سایا کر، لێ پەیوەندیێن وی ب دەست نەکەتن.

ژ ئالیەکی دن ڤە، باس نیوسێ پێوەندی ب رێڤەبەرێ ھاتووچوونا خانەقینێ (سەر ب حکوومەتا ھەرێما کوردستانێ) ڤە حەیدەر والا کر و والا گۆت: “ل خانەقینێ تشتەک ب دەستێ مە نەگەهشتیە کو تێدا بێژیتە مە ڤەکشن. چ رۆلا مە وەک بەری بوویەرێن 16ێ جۆتمەھا 2017ێ نەمایە، ژ بەر کو ژ وێ دەمێ ڤە ھەر چەند کارمەندێن مە ل خانەقینێ ل سەر کارن، لێ نکارن چ شۆفێرەکی ژ بەر بنپێکرنان سزا بدەن. ل خانەقینێ تەنێ 6 کارمەندێن حکوومەتێ ھەنە، کارمەندێن مە ھەنە کو ل سەر جادەیانن و کارێن خوە دکن، لێ ئەم نکارن شۆفێران سزا بدەین.”

ل خانەقینێ چەند ئۆفیسێن سەر ب حکوومەتا ھەرێما کوردستانێ ھەنە، لێ چەندین جاران ئەو ئۆفیس ھاتنە داخستن.

پوستێن ھەمان بەش