ل گوندەوارێ شامێ د ئەنجاما تەقینا بۆمبەیەکا ڤەدایی ب ئۆتۆبوسەکا لەشکەری دا، 18 لەشکەر ھاتن کوشتن و 27 لەشکەر ژی بریندار بوون.
ئاژانسا فەرمی یا سووریێ “سانا” بەلاڤ کر، ئیرۆ دانێ سبێ بۆمبەیەکا ڤەدایی ب ئۆتۆبوسەکا لەشکەری ل گوندەوارێ شامێ تەقیا و د ئەنجامێ دا 18 لەشکەر ھاتن کوشتن و 27 لەشکەر ژی بریندار بوون.
ھەتا دەما کو ئەڤ نووچە ھاتیە نڤیساندن، چ ئالیەکێ بەرپرسیاریا خوە د ڤێ تەقینێ دا رانەگھاندیە و مەدیایا حکوومەتا سووریێ تەنێ گۆتیە “تەقینەکا تەرۆریستی”یە.
ھندەک مەدیایێن خوەجھی یێن سووریێ بەلاڤ کرن، ئۆتۆبوسا ئارمانجکری یا “فرقەیا چارێ” یا ھێزێن ئارتێشا سووریێ یە و تەقین ل سەر ریا سەبوورە – شام ھاتیە کرن.
