لەتیف رەشید ب دەنگێن 162 پارلامەنتەران، د گەرا دویەما ھلبژارتنا سەرۆکۆمارێ ئیراقێ دا ل پارلامەنتۆیێ، وەک سەرۆکۆمارێ ئیراقێ ھات ھلبژارتن.
ئیرۆ د روونشتنا پارلامەنتۆیا ئیراقێ دا گەرا دویەما ھلبژارتنا سەرۆکۆمارێ ئیراقێ ب ئامادەبوونا 269 پارلامەنتەران برێڤە چوو.
لەتیف رەشید د گەرا یەکەم دا ژ 277 پارلامەنتەرێن کو ئامادە بوون، 157 دەنگ ب دەست خستن و بەرھەم سالح 99 دەنگ ب دەست خستن، لەتیف رەشید د گەرا دویەم دا 162 دەنگ ب دەست خستن و بەرھەم سالح ژی وەکە گەرا یەکەم، دیسا 99 دەنگ ب دەست خستن.
بەریا نھا د داخویانیەکێ دا پۆلیتبورۆیا پەدەکێ راگھاند، ژ بۆ سەرخستنا پرۆسەیا ھلبژارتنا سەرۆکۆمارێ ئیراقێ و دامەزراندنا کابینەیا نوویا حکوومەتا فەدەرال، نامزەدێ خوەیێ ژ وی پۆستی، رێبەر ئەحمەد ڤەدکشینە.
ھەر یەک ژ فراکسیۆنێن پەدەکێ، دەولەتا یاسا، ھەڤپەیمانیا سیادە پشتگریا خوە ژ بۆ لەتیف رەشید بۆ وەرگرتنا پۆستێ سەرۆکۆمارێ ئیراقێ راگھاندنە.
