سەرۆک کۆمارێ ئیراقێ لەتیف رەشید و سەرۆک کۆمارێ ترکیێ رەجەپ تەییب ئەردۆگان تەکەزی ل سەر پێشڤەبرنا پێوەندیان ب ئارمانجا سەقامگیریا ناڤچەیێ کرن.
ئیرۆ شەمبیێ 22یێ جۆتمەھا 2022یێ، سەرۆک کۆماریا ئیراقێ راگھاند، لەتیف رەشید و رەجەب تەییب ئەردۆگان د پێوەندیەکا تەلەفۆنی دا بەحسا پێوەندیێن دوئالی ب ئارمانجا سەقامگیریا ناڤچەیێ کرن و سەرۆک کۆمارێ ئیراقێ بەحسا گرینگیا پێوەندیێن لگەل ترکیێ و پێویستیا پێشڤەبرنا وان د ھەموو واران دا ب ئارمانجا پاراستنا بەرژەوەندیێن ھەڤبەش کریە.
د پێوەندیا تەلەفۆنی دا، سەرۆک کۆمارێ ترکیێ پیرۆزباھی ل سەرۆک کۆمارێ نوویێ ئیراقێ لەتیف رەشید کریە و راگھاندیە کو وەلاتێ وی دخوازە پێوەندیێن دیرۆکی و ئاکتیڤکرنا ھەڤکاریان ل سەر بنگەھا بدەستخستنا سەقامگیریێ ل ناڤچەیێ د وارێن سیاسی، ئابۆری و ئاساییشێ دا ئاڤا بکە.
رۆژا پێنجشەمبێ 13ێ جۆتمەھا 2022یێ، ب دەنگێن 162 پارلامەنتەرامن د گەرا دویەما دەنگدانێ دا، لەتیف رەشید ژ ئالیێ پارلامەنتۆیا ئیراقێ ڤە وەک سەرۆک کۆمار ھات ھلبژارتن.
