دادگەھێ دەربارێ 9 رۆژنامەڤانێن کورد دا کو خەباتکارێن ئاژانسا مەزۆپامیایێ و ژن نیوسێ نە و رۆژا 25ێ جۆتمەھێ ھاتبوون بنچاڤکرن، بریارا گرتنێ دا.
ھێزێن ئەولەھیێ یێن ترکیێ رۆژا سێشەمبێ 25ێ جۆتمەھا 2022یێ د چارچۆڤەیا لێکۆلینا سەردۆزگەریا کۆمارێ دا 11 رۆژنامەڤان و کارمەندێن کوردێن ئاژانسێن مەزۆپۆتامیا و ژن نیوسێ بنچاڤ کربوون.
دوھ 28ێ جۆتمەھا 2022یێ رۆژنامەڤان ژ بۆ دادگەھکرنێ بۆ ئەنقەرێ ھاتبوون برن و روونشتنا دۆزا وان ل دادگەھا ئەنقەرێ ھات دیتن.
شەڤا بۆری، دادگەھا سزایان یا ئەنقەرێ ژ بەر نووچە، پارڤەکرنێن مەدیا جڤاکی و ھندەک سەردانێن وان بریارا گرتنا 9 ژ وان رۆژنامەڤانێن کورد دا.
رۆژنامەڤانەک ژی ب مەرجێ کۆنترۆلا دادی ھات ئازادکرن و قەدەغەیا دەرکەتنا دەرڤەیی وەلات ل سەر وی ھات سەپاندن.
