د ھەیاما چار سالێن بۆری دا گەلێ ئیسرایل ئەڤە پێنجەم جارە دچە سەر سندۆقێن دەنگدانێ و سەرۆکوەزیر ھەلدبێژێرن. سەرۆکوەزیرێ بەرێ یێ ئیسرایلێ بنیامین نەتەنیاھو پشتی د ھەلبژارتنێن بەری نھا دا شکەستن ئانی نھا خوە کۆم دکە و دخوازە دەستھلاتێ جارەکە دن بدەست بخە.
ئیرۆ 1/11/2022یێ گەلێ ئیسرایلێ دچە سەر سندۆقێن دەنگدانێ ژ بۆ هلبژارتنا سەرۆکوەزیرێ نوو و خویا دکە کو چ پارتیەک نکارە ب تەنە سەدی 51+1 بدەست بخە.
بنیامین نەتەنیاھو کو سەرۆکوەزیرێ ھەری دەمدرێژێ ئیسرایلێ بوو، بەری نھا ب تۆمەتا گەندەلیێ ھات دادگەھ کرن و پارتیا وی ژی د ھەلبژارتنێ دا شکەستن ئانی.
ل ئیسرایلێ 6 ملیۆن و 788 ھەزار دەنگدێر ژ بۆ 120 پارلامەنتەران دیار بکن د 12 ھەزار و 393 سندۆقان دێ دەنگێن خوە بدن. ھەلبژارتن ل گۆر دەمژمێرێن ھەرێمی دەمژمێر 07:00ێ دەستپێ کر و ھەتا دەمژمێر 22:00ێ دێ بەردەوام بکە.
دهێت پێشبینیکرن کو ئەنجامێن گشتی ھەری زێدە د ناڤ 8 رۆژان دا بێن ئاشکەرا کرن، چاپەمەنیا ھەرێمی دبێژە دێ ئەنجامێن ھەلبژارتنێ د ناڤ ڤێ ھەفتیێ دا هێن ئاشکەرا کرن.
