د مەها بۆری دا 344 کەس ل سووریێ د ئەنجاما شەر و پەڤچوونێن د ناڤبەرا ئالیێن چەکدار دا هاتنه کوشتن کو 137 ژ وان سڤیلن.
رەوانگەها سووری یا مافێن مرۆڤان (سۆهر) دیار کر، د مەها جۆتمەها بۆری دا 137 سڤیل د شەرێ سووریێ دا هاتنە کوشتن، ژ وان 19 زارۆک و 17 ژنن.
ل گۆری رەوانگەهێ، 77 لەشکەرێن حکوومەتا سووریێ و 12 شەرڤانێن هێزێن سووریەیا دەمۆکراتیک (هه‌سه‌دێ) هاتنە کوشتن و یێن دن ژی ژ گرووپ و رێخستنێن جودا یێن وی وەلاتی نە.
رەوانگەها سووری یا مافێن مرۆڤان دیار کر ژی، 5 وەلاتیێن سڤیل د زیندان و گرتیگەهێن رەژیما سووریێ دا د بن ئەشکەنجەیێ دا هاتن کوشتن.
رەوانگەها سووری بۆ مافێن مرۆڤان، بانگەوازیا خوە بۆ جڤاکا ناڤدەولەتی دوبارە دکەت کو زەختێ ل ره‌ژیما سووریێ بکەت دا کو رێزێ ل ئازادیا مافێن مرۆڤان بگریت، گرتیان سەربەست بەردەت و چارەنڤیسا کەسێن به‌رزه ئاشکەرە بکەت.
