شاندا پارتیا داد و گەشەپێدانێ (ئاک پارتی) ب سەرۆکاتیا وەزیرێ دادێ یێ ترکیێ، ل سەر پرۆژەیاسایا دەستوورێ یا دەربارێ سەرپۆشێ دا سەردانا پارتیا دەمۆکراتیکا گەلان (ھەدەپێ) کر.
وەزیرێ دادێ یێ ترکیێ بەکر بۆزداگ، وەکیلێ سەرۆکێ فراکسیۆنا ئاک پارتیێ موستافا ئەلیتاش و جیگرێ سەرۆکێ ئاک پارتیێ ئالی ئیحسان یاڤوز ئیرۆ 2یێ مژدارا 2022یێ دەربارێ پرۆژەیاسایا حیجابێ دا، پشتی سەردانێن خوەیێن بۆ جەهەپێ و IYI پارتیێ سەردانا کۆما پارتیا دەمۆکراتیکا گەلان (ھەدەپێ) ژی کر.
د سەردانێ دا بەردەڤکا ھەدەپێ ئیبرو گونای و وەکیلێن سەرۆکێ فراکسیۆنا وێ پارتیێ مەرال دانش بەشتاش و ساروھان ئۆلوچ پێشوازی ل وێ شاندا ئاک پارتیێ کرن.
وەکیلا سەرۆکێ فراکسیۆنا ھەدەپێ مەرال دانش بەشتاش پشتی سەردانێ راگھاند کو ئەو دێ د ئەنجاما شێورا لگەل رێڤەبریا ناڤەندی یا پارتیا خوە دا ھەلوەستا خوەیا دەربارێ پێشنیارا ئاک پارتیێ دا ژ بۆ رایا گشتی پارڤە بکن و گۆت “دەربارێ ئازادیا جلووبەرگان، حیجاب و مافێن ژنان دا ھەلوێستا مە زەلالە. لێ د سەردەمەک وھا دا ئەم دێ بریارەکا چاوا وەربگرن، ئەم دێ ل سەر ڤێ لگەل ئەنجوومەنێن خوە دا بھەڤرا بریارێ بدن.”
