هێزێن سینۆرپارێزێن یهونانیستانێ، تەرمێن 21 کۆچبەرێن کو د دەستپێکا ڤێ حهفتیێ دا هەول دان ب کەشتیێ دەریایا ئیجهیێ دەرباس بکهن، ل گراڤا ئیڤیا دیتن.
رۆژا 1ێ مژدارێ کەشتیا کو تێدا 68 کۆچبەر هەبوون ل تەنگاڤا کافیرەیێ یا دەریایا ئیجه، ژ بەر باهۆز و رەوشا خرابا هەوایێ، بنئاڤ ببوو.
هێزێن سینۆرپارێزێن یهونانیستانێ تەرمێن 21 کۆچبەران، ل گراڤا ئیڤیا دیتن.
ل گۆری کۆچبەرێن رزگارکری، هێژان چارهنووسا 7 کەسێن دن یێن د وێ کەشتیێ دا بوون نەدیارە.
مەدیایا یهونانیستانێ راگههاندبوو، ئەو کەشتیا کۆچبەران ژ باژارێ ئیزمیرێ ب رێ کەتبوو و تێدا کۆچبەرێن ئیرانی، ئەفغانی و مسری هەبوون.
تەرمەکێ دن ژی ل گراڤا سامۆسێ هات دیتن، ل وێ جهێ کو پاسەوانێن سینۆرێن یهونانیستانێ د دەستپێکا ڤێ حهفتیێ دا 12 کۆچبەرێن نەیاسایی دەستەسەر کربوون.
رایەدارێن یهونانیستانێ رەخنێ ل ترکیێ دگرن کو کۆچبەران ب ئاوایەکی رێکخستنکری ئاراستەیێ یهونانیستانێ دکن، لێ بەرپرسێن ترکیێ دبێژن ژی، هێزێن یهونانی بەلەمێن کۆچبەران دتەقینن و وان بەر ب بەراڤێن ترکیێ ڤەدگەرینن.
