حکوومەتا ئالمانیایێ ژ بەر خوەپێشاندانێن ل ئیرانێ، بانگ ل وەلاتیێن خوە یێن ل ئیرانێ کر کو ژ وی وەلاتی دەرکەڤن.
وەزارەتا دەرڤەیا ئالمانیایێ ب داخویانیەکێ دەربارێ گەشتێن بۆ ئیرانێ دا ھشیاری دا و بانگ ل وەلاتیێن خوە کر کو ژ ئیرانێ دەرکەڤن.
د داخویانیێ دا ھاتیە دیارکرن: “ژ بۆ وەلاتیێن ئەلمانیایێ، مەترسیێن دەستەسەرکرنا بێ بەهانە، لێپرسین و سزایێ زندانیکرنێ یێ دەمدرێژ ھەنە.”
کەچا کوردا 22 سالی ژینا ئەمینی یا ژ باژارێ سەقزێ، رۆژا 13ێ ئیلۆنێ ل تەھرانێ ژ ئالیێ پۆلیسێ ئەخلاقێ یێ ئیرانێ ڤە ب تۆمەتا بنپێکرنا سەرپۆشیێ ھاتبوو دەستەسەرکرن و رۆژا 16ێ جۆتمەھێ ل نەخوەشخانەیێ جانێ خوە ژ دەست دابوو.
خوەپێشاندانێن خەلکێ ئیران و رۆژھلاتێ کوردستانێ ژ بۆ شەرمەزارکرنا کوشتنا ژینا ئەمینی، رووبروویی کارڤەدانا توندا ھێزێن ئەولەھیا ئیرانێ بوو و رێخستنا مافێن مرۆڤان یا ئیرانێ راگھاندیە، د ناڤا 45 رۆژێن خوەپێشاندانێن ئیرانێ دا، ھەری کێم 277 خوەپێشاندەر ھاتن کوشتن، کو ژ وان 40 کەس زارۆک و 24 کەس ژنن.
