نڤیسکار و پارلەمەنتەرێ ئاک پارتیێ یێ بەرێ «محەمەد مەتنەر» د دەربارێ سەردانا شاندا ئاک پارتیێ یا ھەدەپێ دا، داخویاکرن کو پێدڤییە ئاک پارتی د دەربارێ ھەدەپێ دا بریارەکێ بدە.
مەتنەر گۆت: ئەگەر ھەدەپە وەک پارتیەکا د بن بانێ پارلەمەنتۆیێ دا بهێت دیتن و د ڤێ چارچۆڤەیێ دا پێوەندی ل گەل بێنە دانین، پیدڤییە ئاک پارتی سیاسەت و گۆتارێن خوە ژ بۆ ھەدەپێ بگوھەرە. پیدڤییە ڤێجا ئاک پارت بریارەکێ بدە.
ژ بۆ گوھەرتنا ھندەک ماددەیێن دەستوری د پارلەمەنتۆیێ دا شاندا ئاک پارتیێ ژ بۆ پشگریێ سەردانا ھەدەپێ کریبوو. ئەڤ یەک گەلەک ھاتە گۆتوبێژ کرن. ژ بەر کو ئاک پارتی ھەدەپێ وەک ھەڤالبەندێ “رێخستنا تەرۆرست” تۆمەتبار دکە و گەلەک ب توندی وان رەخنە دکە.
مەتنەر دبێژە: ژ ئالیەکی تو ھەدەپێ وەک ھەڤالبەندە تەرۆرێ ببینی و ژ ئالیەک دن ژ بۆ پشگریێ ل گەل ھەدەپێ روونی ئەڤ رەوشەک خرابە.
مەتنەر دبێژە کو، گەرەک ئاک پارت د ڤێ دەربارێ دا بریارەکی بدە. ئەگەر ل گەل ھەدەپێ روونشتن چێببن، پێدڤییە ئاک پارت زمانێ خوەیێ توند ل ھمبەر ھەدەپێ بگوھەرە.
