جیگرا سەرۆکێ ئۆفیسا رۆژنامەڤانییا وەزارەتا بەرەڤانییا ئامەریکایێ (پەنتاگۆن) سابرنا سنگ راگھاند، ئامەریکایێ ل ئالمانیایێ کۆمەلەیەکا نوو ژ بۆ ئالیکاریا ئوکراینایێ دروست کریە.
سابرنا سنگ راگھاندیە، ئەو کۆمەلەیا کو ھاتیە دروستکرن دێ چاڤدێریا رەوشا ئوکراینایێ و گھاندنا ئالیکاریا سەربازی بۆ وی وەلاتی بکە.
سنگ ئەشکەرە کریە، کۆمەلە ژ ئالیێ پەنتاگۆنێ ڤە بریارا پێکئانینا وێ ھاتیە دایین و د بن ناڤێ «ساگو» دا کار دکە.
ھەروھا دیار کر، ئۆفیسا سەرەکەیا کۆمەلگەھێ ل باژارێ «وەسبادەن»یێ ئالمانیایێیە و فەرمانداریا ھێزێن ئامەریکایێ یا ل ئەورووپایێ سەرپەرشتیا وێ دکە و تێ دا چاڤدێریا رەوشا سەربازی و شیانا رووبرووبوونا ئارتێشا رووسیایێ تێ کرن.
شەرێ رووسیا و ئوکراینایێ ژ 24ێ شوباتا 2022یێ ڤە دەست پێ کریە و یەکیتیا ئەورووپایێ و ئامەریکا و وەلاتێن رۆژئاڤا ب گشتی بەرەڤانی و پشتەڤانیا ئوکراینایێ دکن.
