حكوومه‌تا سوێدێ راوەستاندنا هەموو پێوەندی و پشتەڤانیێن خوە یێن ژ بۆ یەکینەیێن پاراستنا گەل (یه‌په‌گێ) و پارتیا یەکیتیا دەمۆکراتیک (په‌یه‌دێ) یێن رۆژئاڤایێ کوردستانێ راگهاند، ئەڤه وەک هەولدانێن حكوومه‌تا نوو ژ بۆ ئەندامبوونا د ناتۆیێ دا.
دوهـ رۆژا شەمیێ 5ێ مژدارا 2022، وەزیرێ دەرڤە یێ سوێدێ تۆباس بڵسترۆم ئەشکەرە کر، حكوومه‌تا نوو یا سوێدێ هەموو پشتەڤانیێن خوە یێن بێ مەرج ژ بۆ یەکینەیێن پاراستنا گەل (یه‌په‌گێ) و پارتیا یەکیتیا دەمۆکراتیک (په‌یه‌دێ) یێن رۆژئاڤایێ کوردستانێ رادوەستینە.
ئەڤ هەلوەست ژی، بەریا سەردانا چاڤەرێکری یا سەرۆکوەزیرێ سوێدێ ئولف کرستەرسسۆن بۆ ئەنقەرە تێ، کو بریارە رۆژا 8ێ مژدارا 2022ێ ئەنجام بدە ژ بۆ گۆتووبێژکرنا ل گەل ترکیێ ل سەر مژارا ئەندامبوونا سوێدێ د ناتۆیێ ده.
وەزیرێ دەرڤەیێ سوێدێ دیار کریە: «پێوەندیەکە خورتا یه‌په‌گێ و په‌یه‌دێ ل گەل په‌كه‌كێ هەیە، کو د لیستەیا تەرۆرێ یا یەکیتیا ئەورۆپایێ دە یە، لۆما ژ بۆ مە گرینگە کو چ پێوەندیەکە مە یا نەزەلال ل گەل وان دو رێخستنان دە نه‌به».
هەروها گۆت: «پێویستیا سوێدێ ب پێوەندیەکە باش هەیە ل گەل ترکیێ، لۆما ئەم دخوازن، دەمەکێ ژ وێ رێخستنێ دوور بن».
