سەرۆکێ گشتییێ پارتیا وه‌ته‌ن دۆغو پەرینچەک کو 3 رۆژان بەرێ ل مێردینێ گۆتبوو، “ترکیە ئامادەیە په‌كه‌كێ هەمبێز بکە” ئیرۆ ژی گۆت، “بێ گومان گاڤ و پێڤاژۆیا چارەسەریێ دێ نەبە و په‌كه‌كه دێ وەرە ژناڤبرن”.
سەرۆکێ گشتیێ پارتیا وه‌ته‌ن دۆغو پەرینچەک 3 رۆژان بەرێ ل پارێزگەها مێردینێ یا باکورێ کوردستانێ بەشداری 1مین کۆنگرەیا ئاسایی یا پارتیا خوە بوو، پەرینچەک ل وێ دەرێ بانگ ل په‌كه‌كێ کربوو و گۆتبوو «ئەم ژ ڤر بانگ ل قەندیلێ دکن، گوللـەیان بەرنەدن برایێ خوە، برایێن من، چەکێن کو وە ژ ئه‌مەریکا و ئیسرائیلێ وەرگرتنە، باڤێژن ئەردێ، ترکیە ئامادەیە وە هەمبێز بکە!».
پەرینچەک ئیرۆ ل سەر حەسابێ خوە یێ تویتەرێ داخویانی دا و گۆت: «ئێدی ئینسیاتیف و پێڤاژۆیا چارەسەریێ دێ ل ترکیێ نەبە، ئەڤ بەندەواریا ئه‌مەریکا و ئیسرائیلێ یە”.
پەرینچەک بال کشاند ل سەر پرسگرێکێن ئابۆری و گۆت: «ل هەرێما مە یا باشوورێ رۆژهلات (مەبەستا وی باکورێ کوردستانێ یە) گەلێ مە کارگەهان دخوازە، کار دخوازە، خزمەتێن گشتی دخوازن، دخوازن تەرۆر ب داوی ببە، ئاشتیێ دخوازن، پرسگرێکێن کو بێن چارەسەرکرن ئەڤن».
پەرینچەک ئیدیعا کر کو دێ په‌كه‌كه ب داوی ببە و گۆت، «ئاشتی دێ وەرە ل هەر ئالیێ وەلاتێ مە، شۆرەشا هلبەرینێ دێ د بن سەرۆکاتیا حکوومەتا نەتەوەیی یا هلبەرینەران دە پێک وەرە، هەر کەس دێ ببە خوەدی کار، ب تایبەتی ژی جوانێن مە یێن باشوورێ رۆژهلات”.
