شاندەکە بریتانیایێ ئیرۆ سەردانا هەرێمێن کۆبانی و منبجێ یێن د بن کۆنترۆلا هێزێن سووریەیا دەمۆکراتیک (ههسهدێ) و رێڤەبەریا خوەسەرا ل باکور رۆژهلاتێ سووریێ (رۆژئاڤا) کر و ب رایەدارێن لەشکەری و سیاسی یێن هەر دو هەرێمان رە جڤیا.
ل گۆر زانیاریان، ئیرۆ چارشەمبێ 9ێ مژدارا 2022ێ شاندەکە بریتانی ل رۆژئاڤایێ کوردستانێ هن جڤین و هەڤدیتن ب رایەدارێن لەشکەری و سڤیل یێن ل هەرێمێ رە پێک ئانینە.
مەدیایا نێزیکی رێڤەبەریا خوەسەر بەلاڤ کرییە، شاندا بریتانی سەردانا باژارێن کۆبانی و منبجێ یێن ل باکورێ رۆژهلاتێ حەلەبێ کریە و ب سەرکردەیێن لەشکەری و سڤیل یێن هەر دو باژاران رە جڤیایە.
ل گۆر هەمان چاڤکانیێ، شاندا بریتانی د هەڤدیتنێن خوە یێن ل گەل ئەنجوومەنێن لەشکەری و سڤیلێن منبج و کۆبانی دە تەکەزی ل سەر پشتگریا بۆ ئارامیا هەرێمێ کریە.
