ئارتێشا ترکیێ کاروانەکێ دن یێ لەشکەری ژ هەرێما «کێمکرنا راگەشیێ» یا ل ئدلبێ بەر ب ئاخا ترکیێ ڤە ڤەکشاند.
رەوانگەها سووری یا مافێن مرۆڤان بەلاڤ کر، کاروانەکێ ترکیێ کو ژ نێزیکی 40 ئۆتۆمبیلێن بارهلگر و وەسایتێن زرخیێ یێن گران پێک دهات، ژ دەڤەرا «کێمکرنا راگەشیێ» بەر ب ئاخا ترکیێ ڤە، ڤەکشاند.
ب ڤی ئاوایی، ئارتێشا ترکیێ تەڤاهیا لیوایا 8 یا هێزێن خوە یێن ل هەرێما «کێمکرنا راگەشیێ» ڤەکشاند.
ل گۆری زانیاریێن رەوانگەهێ، 9 لیوایێن ئارتێشا ترکیێ کو هەژمارا هەر لیوایێ 1500 لەشکەرن، ب هەموو ئالاڤێن خوە، تانک و وەساییتێن گران ل وێ ناڤچەیێ هەنە.
د 29ێ جۆتمەها بۆری دە ژی، رەوانگەها سووری بۆ مافێن مرۆڤان بەلاڤ کربوو کو کاروانەکێ لەشکەری یێ ترکیێ کو ژ 7 تانک، 10 زریپۆش و 15 بارهلگران پێک دهات، ژ دەڤەرا “کێمکرنا راگەشیێ” بەر ب ئاخا ترکیێ ڤه ڤەکشاندبوو.
سینۆرێن هەرێما چارەمین یا کێمکرنا راگەشیێ ل ئدلبێ، د گەرا شەشەمین گه‌را دانوستاندنێن ئاستانایێ دە د ئیلۆنا 2017ێ دە هاتن خێزکرن، و پارێزگەها ئدلبێ، ل گەل هن دەڤەرێن ژ گوندەوارێ حەلەب، حەما و لازقیێ ل خوە دگرە.
