ھەژمارا قوربانیێن تەقینا ستەنبۆلێ زێدە بوو

ھەژمارا قوربانیێن تەقینا ستەنبۆلێ زێدە بوو

ل کۆلانا ئیستقلالا باژارێ ستەنبۆلێ تەقینەک روو دایە. ل گۆری داوی زانیاریان ژی، د تەقینێ دا، 6 کەس ھاتنە کوشتن و 53 کەس ژی بریندار بوونە.

پەیامنێرێ K24ێ ل ستەنبۆلێ دەستنیشان کر، ھێزێن پۆلیسان گھیشتن جھێ بوویەرێ و ل کۆلانێ تەدبیرێن ئەولەھیێ گرتن.

ژ ئالیێ خوە ڤە، پارێزگارێ ستەنبۆلێ عەلی یەرلیکایا ل سەر حەسابا خوەیا تویتتەرێ داخویانیەک دا و وھا گۆت: “ئیرۆ دەمژمێر د 16:20 دا ل تاخا بەیۆگلوویێ ل کۆلانا تاقسیم ئیستیقلالێ تەقینەک پێک ھات.

پەیاما ئەردۆگان

سەرۆکۆمارێ ترکیێ رەجەپ تەییب ئەردۆگان دەربارێ تەقینا ستەنبۆلێ د داخویانیەکێ دا ھەڤخەمیا خوە لگەل مالباتێن قوربانیان نیشان دا و چاکبوونا زوو ژ بۆ برینداران خواست.

سەرۆککۆمارێ ترکیێ گۆت، ئەوێن کو دەستێ وان د تەقینێ دا ھەنە، دێ هێنە ئاشکەراکرن و جەزاکرن.

ئەردۆگان دیار کر کو ھەژمارا کوشتیان بلند بوویە و گھیشتیە 6 کەسان و ھەژمارا برینداران ژی گھیشتیە 53 کەسان.

پوستێن ھەمان بەش