فەرماندارێ گشتی یێ ھێزێن سووریا دەمۆرکاتیک (ھەسەد)ێ مەزلووم عەبدی ل سەر تەقینا ل ستەنبۆلێ راگھاند: “ت تێکلیا ھێزێن مە ب تەقینا ستەنبۆلێ تونەیە.”
مەزلووم عەبدی ل سەر حەسابا خوەیا تویتەرێ دیار کر: “ئەم تەکەز دکن کو ت تێکلیا ھێزێن مە ب تەقینا ستەنبۆلێ تونەیە و ئەم ئیدیعایێن کو ھێزێن مە ب وێ یەکێ تاوانبار دکن رەد دکن.”
عەبدی راگھاند: “ئەم سەرساخیێ ل مالباتێن کەسێن جانێ خوە ژ دەست دانە و ل گەلێ ترک دکن و ژ بۆ برینداران ژی شیفایا بلەز دخوازین.”
دوھی ل کۆلانا ئیستقلالا باژارێ ستەنبۆلێ تەقینەک روودا. ل گۆری داوی زانیاریان ژی، د تەقینێ دە، 6 کەس ھاتنە کوشتن و 81 کەس ژی بریندار بوونە.
وەزیرێ ناڤخوەیێ ترکیێ ئیرۆ دەربارێ تەقینا ستەنبۆلێ دە راگھاند، کەسا بۆمبە دانیە ھاتیە دەستەسەرکرن و ئەڤ ئێریش ژ ئالیێ پەکەکەیێ ڤە ھاتیە کرن.
