کادرۆیەکی پەکەکێ بەرپرسەکی ئاسایشێ دکوژە

کادرۆیەکی پەکەکێ بەرپرسەکی ئاسایشێ دکوژە

هات راگهاندن یەک ژ کادرۆیێن پەکەکێ یێن ل رۆژئاڤا کوردستانێ ب فەرمانا پەکەکێ و ب بەهانەیا راوەستاندنا ترومبێلا وی ل خالا پشکنینێ گولـلە بەردانە کارمەندەکی خالەکە پشکنینێ یا ئاسایشا پەیەدێ.

چاڤکانیێن رووپەلا «دارکا مازی» ل رۆژئاڤا کوردستانێ راگهاندن، ب فەرمانا پەکەکێ «سەرحەد ئامەد» کو یەک ژ کادرۆیێن ڤێ رێخستنێ یە و ژ باکورێ کوردستانێ یە و یەکە ژ بەرپرسێن ئاساییشا پەیەدێ ل باژارێ کۆبانێ، ل 29/10/2022یێ تەقە ل یەک ژ کارمەندێن خالا پشکنینێ یا ب ناڤێ «حلنج» ل کۆبانێ کریە و راستەراست ئەو کوشتیە.

چاڤکانیێن مە راگهاندن، «سەرحەد ئامەد» راوەستاندنا ترومبێلا خوە ل ڤێ خالا پشکنینێ ژ ئالیێ ڤی کارمەندێ ئاسایشێ ڤە وەکە بەهانە بکار تینە و تەقەیێ ل جەمال ترکی دکە، لێ یا راست ئەڤە کو پەکەکێ بریارا تەسفیە کرنا ڤی کارمەندێ ئاسایشێ دایە، هەیا نها ئەشکەرە نەبوویە پەکەکێ چما بریارا کوشتنا «جەمال ترکی» دایە.

هەر وەها هات راگهاندن، «جمال ترکی» روونشتڤانێ کۆبانیێ یە و ژ هۆزا «پرچی» یە، ب ڤێ سەدەمێ ئەندامێن عەشیرا «پرچی» داخوازا رادەستکرنا «سەرحەد ئامەد» دکن و دخوازن ئەو ب دەستێ خوە و ب ئاوایەکی عەشایری سزا بدەن و بکوژن، لێ هەیا نها پەکەکێ ئەو رادەست نەکریە.

پوستێن ھەمان بەش