رێخستنا په‌كه‌كێ نوونه‌رێ رێڤه‌به‌رییا خوه‌سه‌ر ل پارێزگه‌ها سلێمانیێ یێ ب ناڤێ جه‌میل ره‌حمانۆ ژ ئه‌ركا وی دوورئێخست كو گومان ل سه‌ره پێوه‌ندییا وی ئیستخباراتا ده‌وله‌تا تركیێ ره هه‌به.
چاڤكانیێن تایبه‌ت یێن پێگه‌ها داركا مازی ئه‌شكه‌ره كرن، رێخستنا په‌كه‌كێ ل ڤێ داویێ نوونه‌رێ رێڤه‌به‌رییا خوه‌سه‌ر یا رۆژئاڤا كوردستانێ ل پارێزگه‌ها سلێمانیێ یێ ب ناڤێ جه‌میل ره‌حمانۆ ژ ئه‌ركا وی دوورئێخستییه پاش كو گۆمان ل سه‌ر هاتنه ته‌سپیت كرن كو تێكلییێن وی ب ئیستخباراتا ده‌وله‌تا تركیێ ره هه‌به.
چاڤكانیێن داركا مازی ده‌ستنیشان كرنه كو پاش كو هه‌ردو كادرۆیێن په‌كه‌كێ یێ ب ناڤێ زیلان و فه‌رهات دێرك ل ناڤه‌راستا مه‌ها 10 یا ئیسال 2022ێ ل پارێزگه‌ها سلێمانیێ ژ هێلا بالافرێن كه‌شفێ یێن ده‌وله‌تا تركیێ ڤه هاتنه هه‌ده‌ف گرتن، رێخستنا په‌كه‌كێ نها گۆمانێ ژ جه‌میل ره‌حمانۆ دبه كو وی ئه‌و هه‌ردو كادرۆیێن په‌كه‌كێ ئێخبار كربن.
چاڤكانیێن داركا مازی هه‌ر وها ئه‌شكه‌ره كرن، جه‌میل ره‌حمانۆ پاش كو ئه‌ڤ گۆمان ل سه‌ر هاتنه ته‌سپیت كرن، ب فه‌رمانا ئه‌حمه‌د ده‌نیز برێڤبرێ پێوه‌ندیێن گشتی یێن دیپلۆماتیك یێن رۆژئاڤا كوردستانێ ژ وێ ئه‌ركێ هاتیه دوورئێخستن.
