ئه‌مه‌ریكا نەرازیبوونا خوە ل هەمبەر هەر کریارەکە لەشکەری یا ترکیێ ل ئیراق و سووریێ نیشان دا و راگهاند، ئەو یەک وەک مەترسی ل سەر ئارمانجێن هەڤبەشێن شەرێ ل دژی داعشێ دکە.
وەزارەتا دەرڤە یا ئه‌مه‌ریكا د داخویانیەکێ دە راگهاند، «دەولەتێن یەکگرتی یێن ئه‌مه‌ریكایێ ژ بەر جانژدەستدانا سڤیلان ل سووریێ و ترکیێ هەڤخەمیا خوە نیشان ددە».
وەزارەتا دەرڤە یا ئه‌مه‌ریكا گۆت: «ئەم بانگ ل کێمکرنا راگەشیێ ل سووریێ دکن، ژ بۆ پاراستنا ژیانا سڤیلان و پشتگریا ئارمانجا هەڤپارا تێکبرنا داعشێ».
د هەمان دەمێ دە ژی ئه‌مه‌ریكا نەرازیبوونا خوە ل هەمبەر هەر کریارەکە لەشکەری یا نە ب هەڤاهەنگی کو سەروەرییا ئیراقێ بنپێ بکە نیشان دا.
وەزارەتا دەرڤە یا ئه‌مه‌ریكا گۆت: «ئەم بەردەوامن ل دژی هەر کریارەکە لەشکەری یا نە ب هەڤاهەنگی ل ئیراقێ کو سەروەرییا ئیراقێ بنپێ دکە».
ئەڤ داخویانی پشتی وێ تێ، رۆژا یەکشەمێ 20ێ مژدارا 2022ان، ترکیێ ئۆپەراسیۆنەکە ئاسمانی ل دژی رۆژئاڤا و باشوورێ کوردستانێ پێک ئانی، ل گۆر داخویانیا وەزارەتا بەرەڤانیێ یا ترکیێ، وان د وێ ئۆپەراسیۆنێ دە 89 خال کرنە ئارمانج.
هەر وها نوونەرێ تایبەتێ سەرۆکێ رووسیایێ ژ بۆ سووریێ ئالەخاندەر لاڤرەنتیڤ د دەستپێکا جڤینێن دانوستاندنێن ئاستانایێ دە، بانگ ل ئەنقەرێ کر کو خوە بگرە و رەوشا سووریێ ئالۆزتر نەکە.
