سەرۆککۆمارێ ترکیێ رەجەب تەییب ئەردۆگان گۆت، ئەو دێ ئێریشێن خوە یێن ل سەر پێگەھێن پەکەکێ و یەپەگێ ل رۆژئاڤایێ کوردستانێ و ناڤچەیێن سینۆری یێن ھەرێما کوردستانێ بدۆمینن.
ئەردۆگان د دەما ڤەکرنا بەنداڤا «یوسوفعەلی» دە ل باژارێ ئارتڤینێ گۆت، “پشتی ئێریشا کو تێدا 6 کەسێن بێگونەھ مرن، مە بەرسڤ دا و ل باکورێ ئیراقێ و سووریەیێ ھەدەفێن تەرۆرێ سەرۆبن کرن، ژ بۆ کەسێن ب لیستکا حەرفان، ب گوھەراندنا ناڤێ رێخستنا تەرۆرێ، لەشکەرێن خوە ددن کێلەکا وان و ب ڤی ئاوایی دخوازن ترکیایێ بدن سەکناندن، رێ نەمایە.”
سەرۆککۆمارێ ترکیێ ھەروھا گۆت: “ئەم ناسنامە، جیهـ و تۆمارا تەرۆریستان دزانین. ئەم باش دزانین کو کی تەرۆریستان دپارێزە، چەک ددە وان و پشتەڤانیا وان دکە. ل جیێن کو دژی سینۆر و وەلاتیێن مە ئێریش ددۆمن چ کەس نکارە رێ ل بەر مە بگرە کو ئەم خەتا ئەولەھیێ بکشینن جیێ پێدڤی. ئیرۆ چەند رۆژە ئەم ب بالافر، تۆپ و فرۆکەیێن بێفرۆکەڤان ل سەر سەرێ تەرۆریستان دگەرن.”
رۆژا یەکشەمبێ 20ێ مژدارا 2022یێ، ترکیێ ئۆپەراسیۆنەکا ئاسمانی ل دژی رۆژئاڤا و باشوورێ کوردستانێ پێک ئانی، ل گۆر داخویانیا وەزارەتا بەرەڤانیێ یا ترکیێ، وان د وێ ئۆپەراسیۆنێ دا 89 خال کرنە ئارمانج.
