سەرۆککۆمارێ ترکیێ رەجەپ ته‌یب ئەردۆگان ئیرۆ دەربارێ ئۆپەراسیۆنا نوو یا وی وەلاتی یا بۆ سەر رۆئاڤایێ کوردستانێ راگهاند، ئێریش تەنێ ب ئێریشێن ئەسمانی سینۆردار نامینن و ئەو دێ د دەمەکە گونجای دە ئێریشا زه‌مینی دەست پێ بکن.
ئەردۆگان گۆت: «ئۆپەراسیۆنا کو مە ب بالافر، تۆپ و درۆنان دەست پێ کریە، تەنێ دەستپێکە، د دەمەکێ هەری گونجای دە ئەم دێ ژ زه‌مینی ژی ئێریشی تەرۆریستان بکن».
ئەردۆگان دیار کر،«هێزێن کو سۆز دابوونە مە کو دێ ل سووریێ و ل هەرێمێن کو د بن کۆنترۆلا وان دا یه ل دژی مە گەف چێنەبن ل سەر سۆزێن خوە نەسەکنین».
سەرۆککۆمارێ ترکیێ هەروه‌ها گۆت، «دەربارێ سینۆرێن سووریێ دا مە ل گۆری پەیمانێن خوە حەرەکەت کریە، کەسێن ل هەمبەری مە گاڤا ل گۆری پەیمانان حەرەکەت نەکن حەقێ مە چێبوویە کو ئەم ل چاره‌سه‌رییان بنێرن».
