“ئەسەد پێشنیارا ئەردۆگان رەد کر!”

"ئەسەد پێشنیارا ئەردۆگان رەد کر!"

ئیدیعایەکە نوو ھات کرن کو سەرۆککۆمارێ ترکیێ رەجەب تەییب ئەردۆگان بەریا ھلبژارتنێ لگەل بەشار ئەسەد دا ئاشتیێ دخوازە. سیاسەتمەدارەکی لبنانی ئیدیعا کر، ئەردۆگان ھەری داوی پەیامەک ژ بۆ ئەسەد شاندیە و ل سەر کوردان و پەنابەران پێشنیار کرنە.

ل گۆر ئاژانسا نووچەیان یا ئەسۆشێتد پرێس کو ناڤەندا وێ ئامەریکایە ئیدیعا کر، ئەردۆگان پەیامەک ژ بۆ ئەسەد شاندیە. د نووچەیا کو چاڤکانیا وێ سیاسەتمەدارەکی لبنانییە کو تێ گۆتن بەردەوام لگەل رایەدارێن سووریێ دا دجڤە ھاتیە دیارکرن، ئەڤ پەیام رۆژێن بۆری ھاتیە شاندن.

پێشنیارێن ل سەر کورد و پەنابەران:

د نووچەیێ دا ھات ئیدیعاکرن کو ئەردۆگان بانگ ل ئەسەد کریە ژ بۆ رێگرتنێ ل ڤەگەراندنا ئارتێشا سووریێ ژ بۆ ناڤچەیێن د بن کۆنترۆلا کوردان دا، ژ بۆ رێگرتنێ ل بکارئانینا گاز و پەترۆلا سووریێ ژ ئالیێ ھێزێن کوردی ڤە، و کارئاسانیا ژ بۆی شاندنا پەنابەرێن سووریێ ل ترکیێ ژ بۆ سووریێ بکە.

ھەروھا ھات ئیدیعاکرن کو د پەیاما ب رێیا ئیرانیان ژ بۆ ئەسەد ھاتیە شاندن دە ئەردۆگان گۆتیە، ئەو ئامادەیە ژ ئەنقەرێ بەرپرسان بشینە شامێ.

لێ ھات گۆتن، ئەسەد ئەڤ پێشنیار رەد کریە و پێشنیار کریە کو رایەدار ل وەلاتێ سێیەمین بجڤن.

رایەدارەکی پایەبلندێ ترکیێ ئیدیعایا کو ئیران ناڤبەینکاریێ دکە رەد کر. ڤی رایەداری دیار کر کو یا ترکیە بەر ب قەرەبوویان ڤە کشاند رووسیا بوو، لێ چ پێشکەتن چێنەبوون.

 

پوستێن ھەمان بەش