کۆمیسەرێ بلندێ مافێن مرۆڤان یێ نەتەوەیێن یەکبوویی راگهاند، رهوشا ناڤچهیێن كوردستانی یێن ل ئیرانێ مهترسیداره و رایهدارێن ئیرانێ راپۆرێن بێبنگههـ دهربارێ وان ناڤچهیان پێشكێش كرنه.
ڤۆلکەر تورک کۆمیسەرێ بلندێ مافێن مرۆڤان یێ نەتەوەیێن یەکبوویی دهربارێ خوهپێشاندانێن ئیرانێ یێن كو ب سهدهما مرنا ژینا ئهمینی ل وی وهلاتی دهستپێكرنه گۆت «ژ دەستپێکا خوەپێشاندانێن ئیرانێ و مرنا ژینا ئەمینی، 14 هەزار کەس هاتنە گرتن، ب سەدان کەسێن دن ژی کو 40 زارۆک و 20 ژن د ناڤ دە نە، هاتنه كوشتن».
ڤۆلکەر دلگرانیا خوە یا کوور ژ زێدەبوونا بەرچاڤا بدارڤەکرنان ل ئیرانێ ژی دوپات کر و تەکەز کر کو قەیرانەکە بەرفرەها مافێن مرۆڤان ل ئیرانێ هەیە.
ههروهها دهستنیشان كر، رەوشا ناڤچەیێن کوردستانی مەترسیدارە ژ بەر کو رایەدارێن ئیرانێ راپۆرێن بێبنگەهـ دەربارێ خوەپێشاندانێن وان دەڤەران پێشکێش کرنە.
ژ ئالیێ دن ڤە رێخستنا مافێن مرۆڤان یا «هرانا» راگهاند، هەژمارا کوشتیێن خوەپێشاندانان ل ئیرانێ گهیشتیە 448 کەسان، ژ وان 63 زارۆکن و زێدەتری 18 هەزار کەسێن دن ژی هاتنە گرتن.
