هەر ژ رۆژا دامەزراندنا لەشکەرێ رۆژ کو ژ گەلێ رۆژئاڤا کوردستانێ پێک تێ و هەیا رۆژا مە یا ئیرۆ، پەکەکێ ب ئاوایێن جودا گەف ل ڤی لەشکەری خوارنە، جارنا ب رێیا گەف خوارنێن راستەراست ل ڤان جوانان، جارنا ژی ب رییا گەفان ل مالباتێن وان یێن ل رۆژئاڤایێ کوردستانێ كو گه‌ر ئەولادێن وان دەڤ ژ پێشمەرگاتیێ بەر نەدن، ئەوێ وان ژ رۆژئاڤا دەرخینن.
گەفێن پەکەکێ د دەمەکی درێژ دە باندۆر ل هن ژ ڤان پێشمەرگەیان و مالباتێن وان کر، هەژمارەک ژ ئەندامێن لەشکەرێ رۆژ یێن رۆژئاڤا کوردستانێ ژ بۆی پاراستنا مالباتێن خوە ژ دەستێن قرێژ یێن «ئیستیخباراتا پەیەدێ» و گەفێن بەردەوام یێن پەکەکێ نەچار مان دەڤ ژ کارێ خوە یێ پێشمەرگاتیێ بەردن و دەرباسی رۆژئاڤا ببن.
پشتی دەست ژ کاربەردانا هن جوانێن رۆژئاڤا د ناڤا رەفێن لەشکەرێ رۆژ دە، «ئیستخباراتا پەیەدێ» ل رۆژئاڤا کوردستانێ دخوازە ڤان جوانان ئیستیسمار بکە و د بەرژەوەندییا پەکەکێ دە ژ بۆی سیخۆریکرنا ل سەر ڤی لەشکەری وان ئه‌ركدار بكه.
ل گۆر ئاگاهیێن تایبەت یێن پێگەها «دارکا مازی»، ئیستخباراتا پەیەدێ هن ژ ئه‌ندامێن ژ لەشکەرێ رۆژ ڤەقەتیایی د ناڤا رەفێن یەپەگێ دە دامەزراندنە و ئەرکا دروستکرنا چاڤکانیێن ئیستیخباراتی د ناڤا لەشکەرێ رۆژ دە ب وان دایی یە.
د ڤێ چارچۆڤەیێ دە چاڤکانیێن پێگەها «دارکا مازی» ئەشکەرە کرن، یەک ژ کادرۆیێن یەپەگێ یێ ب ناڤێ هەڤال «عەگید» کو د ئیستخباراتا پەیەدێ یا ل «مه‌یدانا ئیستیخباراتێ» یا باژارۆکێ رمێلانێ یێ سەر ب دێرکێ ڤە سەرپەرشتییا دۆسەیا ئەنەکەسێ و لەشکەرێ رۆژ دکە، عەگید تێکلیێن هەری خورت ب «عەقید ریاز» رە کو خەلکێ رۆژئاڤا کوردستانێ یە و پێش نها د ناڤا رەفێن لەشکرێ رۆژ دە ئەفسەر بوو هەنە، عەقید ریاز نها وەکە بەرپرسەکی لەشکری د ناڤا رەفێن یەپەگێ دە ئه‌رك هه‌یه.
ل گۆر ئاگاهیێن مه، عەگید ب ئالیکارییا عەقید ریاز پێوەندیێ ب وان پێشمەرگە و ئەفسەرێن لەشکرێ رۆژ دکە یێن کو ب سەدەما گەفێن بەردەوام یێن پەکەکێ و پەیەدێ دەست ژ لەشکەرێ رۆژ بەردانە و دەرباسی رۆژئاڤا کوردستانێ بوونە، ژ بۆی کو بکارن ب ڤێ یەکێ ئاگاهیێن دەربارا لەشکەرێ رۆژ ژ ڤان کەسان ده‌ست بخن، هەروەها بکارن هن چاڤکانیێن ب دەستخستنا ئاگاهییان د ناڤا لەشکرێ رۆژ دە دروست بکن.
چاڤکانیێن مە هەروەها ئەشکەرە کرن، هەڤال عەگید ل مەها ته‌باخا ئیسال 2022ێ، د جڤینەکی دە ل باژارێ حەسەکێ کو هەر یەک ژ عەقید ریاز
ئەحمەد یووسف جەمیل ئەحمەد کو ژ داییک بوویێ سالا 1980انه و شێنیێ گوندێ خەجۆکێ یێ سەر ب باژارێ قامشلۆ یە و پێش نها د ناڤا لەشکەرێ رۆژ دە پلەیا میلازم هەبوویە
سالار محەمەد خەیر کو پێش نها د لەشکرێ رۆژ ده بوو
عەلی گەنجو شێنیێ گوندێ سحل یێ سەر ب باژارۆکێ تربەسپیێ کو پێش نها ئەو ژی د ناڤا لەشکرێ رۆژ دە بوو.
باس ل چاوانیا سوود وەرگرتنێ و دروستکرنا چاڤکانیێن سیخۆریێ د ناڤا لەشکەرێ رۆژ دە بۆ وان ئه‌ندامێن به‌رێ یێن له‌شكه‌رێ رۆژ دكر یێن كو ب سەدەما گەفێن پەکەکێ-پەیەدێ ژ لەشکەرێ رۆژ ڤەدقەتن و دەرباسی رۆژئاڤا دبن.
د ڤێ جڤینێ دە هەڤال عەگید داخواز ژ هەر یەک ژ عەقید ریاز، سالار و عەلی گەنجۆ کری یە ئاگاهیان دەربارا پێشمەرگە و ئەفسەرێن د ناڤا رەفێن لەشکەرێ رۆژ دە یێن ژ رۆژئاڤا، باشوور و باکورێ کوردستانێ ب دەست بخن، ب تایبەتی پێشمەرگە و ئەفسەرێن ژ رۆژئاڤا کوردستانێ و بزانبن مالباتێن وان ل رۆژئاڤا هەنە یان نە، ژ بۆ كو بکارن ب ڤێ یەکێ گەفان ل وان بکن و وان وەکە چاڤکانی ژ بۆی ب دەست خستنا ئاگاهییان دەربارا لەشکەرێ رۆژ ژ بۆی ئیستخباراتا پەیەدێ ب کار بینن.
