دادگه‌ها ئه‌ورۆپایێ رازی نه‌بوو ناڤێ په‌كه‌كێ ژ لیستا ته‌رۆرێ بێ ده‌رخستن

دادگەها یەکیتیا ئەورۆپایێ ل لوکسەمبورگێ ئیرۆ بریارا خوە یا ل سەر داخوازەکە پارتیا کارکەرێن کوردستانێ (په‌كه‌كێ) ئاشکەرە کر و داخوازا په‌كه‌كێ رەد کر.

په‌كه‌كێ داخواز کربوو کو ناڤێ وێ ژ لیستەیا تەرۆرێ بێ دەرخستن، لێ دادگەها یەکیتیا ئەورۆپایێ د جڤینا خوە یا ئیرۆ دە ئەو داخوازا په‌كه‌كێ رەد کر.

دەربارێ په‌كه‌كێ دە ب گشتی 3 دۆز ل بەر دیوانا ئەدالەتێ یا یەکیتیا ئەورۆپایێ هەنە.

دادگەهێ د ناڤبەرا سالێن 2014-2017ان دە لیستە بەتال کر و کۆنسەیا ئەورۆپایێ ژی ل دژی بریارێ نەرازیبوون نیشان دا. د ناڤبەرا سالێن 2018 و 2020ان دە په‌كه‌كێ ژی ل دژی لیستەیان دۆز ڤەکربوو و دادگەهێ هەردو دۆسیا کرن یەک.

دانیشتنا ئەول یا دادگەهێ د 31ێ ئادارێ دە هات دیتن و جڤینا دویەم یا دادگەهێ د 22ێ خزیرانێ دە هات لدارخستن.

شەش مەهان جارەکێ لیستەیا تەرۆرێ یا یەکیتیا ئەورۆپایێ تێ نووکرن و هەر جار ناڤێ په‌كه‌كێ ب هەمان سه‌ده‌مێن بەرێ د لیستەیێ دە دمینە.

دۆزا کو ئیرۆ هات دیتن و ب داوی بوو، تێکلداری لیستەیێن 2021 و 2022انە. د روونشتنا ئیرۆ دە داخوازا دەرخستنا په‌كه‌كێ یا ژ لیستەیێ هات رەدکرن.

کۆنسەیا ئەورۆپایێ د سالا 2002ان دە په‌كه‌كه‌ خستبوو لیستەیا «رێخستنێن تەرۆرێ».