وەزارەتا بەرەڤانیێ یا ترکیێ راگھاند، د ئۆپەراسیۆنا “پەنجە-کلید” یا ل ناڤ ئاخا ھەرێما کوردستانێ دا لەشکەرەکی ترکیێ ھاتیە کوشتن.
ل گۆر داخویانیا وەزارەتا بەرەڤانیا ترکیێ ل دەڤەرا ئۆپەراسیۆنا پەنجە کلیدا د ناڤ ئاخا ھەرێما کوردستانێ دا، لەشکەرێ ئارتێشا ترکیێ یێ ب ناڤێ «نەدیم کۆرکماز» ھاتیە کوشتن.
ئارتێشا ترکیێ ژ رۆژا 18ێ نیسانا 2022یێ ڤە ل ناڤچەیێن زاپ، ئاڤاشین و مەتینایێن د ناڤ ئاخا باشوورێ کوردستانێ دا ل دژی پەکەکێ دەست ب ئۆپەراسیۆنا ب ناڤێ پەنجە-کلید کریە و ئۆپەراسیۆن ھەتا نھا بەردەوامە.
ئۆپەراسیۆنا “پەنجە-کلید”، ناڤچەیێن مەتینا، زاپ و ئاڤاشین-باسیانێ یێن د ناڤ ئاخا ھەرێما کوردستانێ دا ل خوە دگرە.
