پەکەکە ب ئاوایەکی بەردەوام د چاپەمەنیا خوە دە مژوولی ڤەهاندنا دەرەوان و نووچەیێن بێ ئەخلاقانەیە، ب ڤی ئاوا ژ ئالیەکێ پێشەنگیا دەولەتا داگیرکەرا ترکیێ دکە ژ بۆی زێدەتر داگیرکرنا باشوورێ کوردستانێ ژ ئالیی دن ژی ب ڤان نووچەیێن دەرەو دخوازە گرسەیا خوە بخاپینە و ل دژی پەدەکێ هان بدە.
هەری داوی چاپەمەنیا پەکەکێ یا ل سلێمانیێ وەشانێ دکە یا ب ناڤێ رۆژ نیوس نووچەیەک وەشاندیە و تێ دە ب کێفا دلێ خوە دەرەو و بێئەخلاقی رێز کرنە، رۆژ نیوسێ ب سەر ناڤێ، ” ئاسایشا پەدەکێ ب فەرماندا دەولەتا ترک سێ گوندێن ئامێدیێ ڤالا کرن” نووچەیەک پڕ دەرەو چێکریە و دخوزە ب ڤێ یەکێ روویێ خوە یێ رەش سپی بکە و ڤێ یەکێ ڤەشێرە کو ئەو پێشەنگیا لەشکەرێ دەولەتا داگیرکەرا ترکیێ دکن ژ بۆی زێدەتر داگیرکرنا باشوورێ کوردستانێ.
فەساد و بێ بەختێن د رۆژ نیوسێ دە دشۆغلن، د نووچەیا خوە یا دەرەو دە نڤیساند، “ب فەرمانا دەولەتا ترک یا داگیرکەر، ئاسایشا پەدەکێ گوندێن سپیندارێ، مژێ و کەڤنە مژێ یێن ئامێدیێ ڤالا کرن، ھەروھا رێیا ڤان ھەر سێ گوندان ژی ژ ھاتن و چوویینێ رە گرتنە، نوقتەیێن خوەیێن کۆنترۆلێ ل سەر رێیا ڤان گوندان دانینە.” لێ بەلێ ب ئاگاهیێن رووپەلا “دارکا مازی” ژ خەلکێ ڤان گوندان ستەندی خویا بوو تشتەکی ب ڤی ئاوا روو نەدایە، ت یەک ژ خەلکێ ڤان گوندان ژ گوندێن خوە دەرنەکەتنە و رێیا وان ژی ڤەکرییە، وێنەیا کو رۆژ نیوسێ لگەل نووچەیا خوە پارڤەکری وێنەیێ دەما چێکرنا رێیا ڤان گوندایە کو ب سەدەما بارینا بارانەک زێدە و چێبوونا لەهیان رێیا ڤان گوندان ژ کار کەتبوو و نها رێ ئاسایی بوویە و ولاتی دکارن ب ئاوایەکی نۆرمال هاتن و چوویینێ بکن.
ئەڤ نە جارا یەکەمە پەکەکە د چاپەمەنیا خوە دە دەرەوێن ب ڤی ئاوا پارڤە دکە، دەم ب دەم پەکەکە بێئەخلاقیێن ب ڤی ئاوا د چاپەمەنیا خوە دە دکە و دخوازە تەڤ مژاران سەختە بکە و پەدەکێ وەکە هەڤالبەندا دەولەتا ترکیێ دەستنیشان بکە، لێ بەلێ ئێدی روویێ راست ئێ پەکەکێ ژ هەر کەسەکی رە ئەشکەرە بوویە، هەر کەس باش دزانە شەرێ ب شێور یێ د نێڤبەرا پەکەکێ و ترکیێ دە تێ کرن ب تەنێ ژ بۆی یەک ئارمانج و یەک مەبەستە کو ئەوژی زێدەتر داگیرکرنا باشوورێ کوردستانێ یە.
پەکەکە بوویە پرەک زێرین ژ بۆی لەشکرێ دەولاتا ترکیێ بۆ دەرباسبوونا ناڤا کووراهیا ئاخا باشوورێ کوردستانێ، پەکەکە د رۆکەش دە شەرێ ترکیێ دکە، لێ د راستیێ دە شەر د نێڤبەرا وان دە تونەیە، جهێ کو ترکیە دخوازە داگیر بکە یەکەمجار هن گەریلایێن پەکەکێ ل ور بجهـ دکە و پشترە و داگیر دکە.
د بەشەکە دن یا دەرەوا خوە دە رۆژ نیوسا پەکەکێ گۆتیە، “دەولەتا ترک یا داگیرکەر، ئاسایش و پێشمەرگەیێن پەدەکێ رۆژانە گوندێن ل سینۆرێ پارێزگەھێن دوھۆک و ھەولێرێ ب دارێ زۆرێ ڤالا دکن و وەلاتیێن گوندان ژ وارێن وان دەردخن.” لێ بەلێ راستی ئەڤە کو گوندێن هاتینە ڤالا کرن تەڤ ب سەدەما شەرێ سەختە یێ پەکەکێ و ترکیێ هاتنە ڤالاکرن، پەکەکە نەکاریە ل چیا شەر بکە، نها شەرێ خوە یێ سەختە ئانیە د ناڤا گوند و دەردۆرا باژارێن باشوورێ کوردستانێ و دخوازە ڤان دەران ژی تەسلیمی دەولەتا ترکیێ بکە، شێنیێن ڤان گوندان ژی ژ نەچاری و ژ بۆی پاراستنا سەر و مالێ خوە نەچار دمینن گوندێن خوە ڤالا بکن.
پەکەکێ ژ بلی کو تەڤ ناڤچەیێن باکورێ کوردستانێ تەسلیمی ترکیێ کرن، ل سەر سینۆرێ د نێڤبەرا باکور و باشوورێ کوردستانێ دە ژی نەکاری خوە بگرە و نها ترکیە ب کووراهیا 50 کیلۆمەتران د ناڤا خاکا باشوورێ کوردستانێ یە، ل هەرێمێن کو پەکەکە وەکە “هەرێمێن پاراستنا مەدیا ب ناڤ دکە” پێتر ژ 600 گوندان رادەستی ترکیێ کرنە، و نەکاریە ت یەک ژ وان گوندان بپارێزە، ئەڤ نە تشتەکی ڤەشارتیە، پەکەکە ب ڤان دەرەوان ب تەنێ دخوازە شکەستنا خوە یا لەشکری ڤەشێرە و زێدەتر ئالیگرێن خوە بخاپینە.
یا پەکەکە ل سەر لنگان هشتی، ب تەنێ دەرەو و چاپەمەنیا وێ یا خاپینۆکە، گەر نا پەکەکە ل هەر دەرێ راستی شکەستنێ هاتیە.
