پەکەکێ 3 لەشکەرێن ترکیێ ل زاپێ کوشتن

ل ناڤچەیێن سینۆری یێن ھەرێما کوردستانێ، د ئەنجاما ئێریشەکا پەکەکێ دە، 3 لەشکەرێن ترکیێ ھاتن کوشتن.

وەزارەتا بەرەڤانیێ یا ترکیێ د داخویانیەکێ دە دیار کر، ل زاپێ ئەندامێن پەکەکێ ئێریشی لەشکەرێن وان کرنە و د ئەنجامێ دە 3 لەشکەران جانێ خوە ژدەست دانە و لەشکەرەکی دن ژی بریندار بوویە.

ل گۆر داخویانیا وەزارەتا بەرەڤانیا ترکیێ، ھات راگەھاندن، د ئەنجاما ئێریشا پەکەکێ دە 3 لەشکەرێن ب ناڤێن نەجدەت چالش، ئەمراھ گوندوز و فەوزی کزلتاش ژیانا خوە ژ دەست دانە و 2 لەشکەرێن دن ژی بریندار بوونە و ژ بۆ نەخواشخانەیێ ھاتنە ڤەگوھەستن.

ئارتێشا ترکیێ 17 نیسانا 2022 ل دەڤەرێن زاپ، ئاڤاشین و مەتینایێ یێن باشوورێ کوردستانێ ب ھنجەتا ھەبوونا چەکدارێن پەکەکێ دەست ب ئێرشەکا ب ناڤێ “ئۆپەراسیۆنا پەنجە-کلیدێ” کریە و ئەو ئێرش ھەتا نھا ژی بەردەوام دکە.

ل گۆری ئامارێن نە فەرمی ژی، ھەتا نھا زێدەتر ژ 500 ئەندامێن پەکەکێ و زێدەتر ژ 200 لەشکەران جانێ خوە ژدەست دایە.