سوێد کۆچبەرەکی سیاسی یێ کورد رادەستی ترکیێ دکە

سوێد کۆچبەرەکی سیاسی یێ کورد رادەستی ترکیێ دکە

سوێدێ کۆچبەرەکی سیاسی یێ کورد کو ژ بەر دۆزا پەکەکێ سزا وەرگرتیە، رادەستی ترکیا کر.

کوردەکی ب ناڤێ مەحموود تات کو خەلکێ دێرسما باکورێ کوردستانێیە، وی ل ترکیێ ژ بەر دۆزا ئەندامەتیا پەکەکێ/کەجەکێ، 6 سال و 10 مەھ سزا وەرگرتبوو و سالا 2015ێ کۆچبەری سوێد بووبوو. لێ سوێد داخوازا پەنابەریێ یا مەحموود تات رەد کربوو.

پۆلیسێن سوێدێ مەحموود تات ب فرۆکەیێ ژ ستۆکھۆلمێ بۆ ترکیێ دیپۆرت کر و شەڤا بۆری ژ ئالیێ پۆلیسێن ستەنبۆلێ ڤە ھاتە دەستەسەرکرن.

رۆژا 28ێ خزیرانا 2022یێ، د لووتکەیا ناتۆیێ دا ل مادریدا پایتەختا ئیسپانیایێ، ھەر سێ وەلاتان، ترکیا، فینلاندا و سوێد ژ بۆ بەردەوامیا پشتەڤانیا ل دژی ھەر گەفەکا ل سەر ئەولەکاریا ھەڤدو، پەیمانەک ئیمزە کرن. د چارچۆڤەیا ڤێ پەیمانێ دە ژی ترکیێ داخوازا رادەستکرنا ھەژمارەک ئەندامێن پەکەکێ و تەڤگەرا گولەنێ دکە.

پوستێن ھەمان بەش