ل گۆری داخۆیانیا سەردۆزگەرییا کۆمارێ یا ئیرانێ، پۆلیسێن ئەخلاقێ یا کو ب کوشتنا «ژینا ئەمینی» تێ تۆمەتبارکرن، هات هلوەشاندن.
ل گۆری راپۆرا ئاژانسا نووچهیان یا «ئسنا»یێ، سەردۆزگەرێ گشتی یێ ئیرانێ محەمەد جافەر مونتەزری راگهاندیە، پۆلیسێن ئەخلاقێ هاتنە هلوەشاندن و گۆت: «چ پەیوەندییا پۆلیسێن ئەخلاقێ ب دادوەریێ ڤه نینە. ل جهێ کو لێ هاتنە ئاڤاکرن، هاتنە هلوەشاندن».
ئەڤ یەک د دەمەکێ دە یە، حکوومەتا تەهرانێ هەتا نها ب فەرمی هلوەشاندنا پۆلیسێن ئەولەکارییا ئەخلاقێ یا کو ب ناڤێ «ئیرشاد» تێ ناسکرن، پشتراست نەکری یە.
ئەڤ پۆلیسێن ئیرانی ب کریارێن خوە یێن توند ل دژی ژنان دهاتن ناسکرن، ژ بەر کو هەر کەسەک یاسایا توند یا جلوبەرگان بنپێ كر با، رووبروویێ مەترسییا گرتنێ دهاتن و دەرسێن ل سەر چاوانیا ل خوەکرنا حیجابێ ژ وان رە دهاتن دایین، جارجاران ژی راستی توندووتووژی و لێدان دهاتن.
کوشتنا کەچا کورد «ژینا ئەمینی» پشتی گرتنا وێ ژ ئالیێ پۆلیسێن ئەولەکارییا ئهخلاقێ یا تەهرانێ ڤە، بوو سەدەما پێلەکە نەرازیبوونێ ل سەرانسەری ئیران و رۆژهلاتێ کوردستانێ کو زێدەتری 11 حەفتیانە بەردەوامە.
وەلاتێن رۆژئاڤا ژ وان بریتانیا، كهنهدا و ئهمەریکا، ل هەمبەر کوشتنا «ژینا ئەمینی» و تەپەسەرکرنا خوەپێشاندەران، سزا ل سەر پۆلیسێن ئەولەهیا ئەخلاقێ یا ئیرانێ سەپاندن.
