وەزارەتا ناڤخوە یا ترکیێ راگهاند کو ل پارێزگەها سێرتێ یا باکورێ کوردستانێ ئارتێشا وەلاتێ وان ئۆپەراسیۆنەکە لەشکەری دایە دەستپێکرن.
ل گۆر داخویانیا وەزارەتا ناڤخوە یا ترکیێ ئیرۆ دوشەمێ 5ێ کانوونا 2022ێ، ل پارێزگەها سێرتێ ل دژی پهكهكێ ئۆپەراسیۆنەک ب ناڤێ «ئەرەن دۆرپێچ پاییز-زڤستان-16» هاتیە دەستپێکرن.
وەزارەتا ناڤخوە راگهاندیە کو دێ ئۆپەراسیۆن ل ناڤچەیا بەرواری سەر ب پارێزگەها سێرتێ ژ ئالیێ فەرمانداریا جەندرمەیان یا سێرتێ ڤە تێ برێڤەبرن و 533 جەندرمەیێن هێزێن تایبەت، پۆلیسێن هێزێن تایبەت، کۆماندۆ و جەردەڤان بەشدارن کو ژ 37 تیمان پێک تێن.
ئۆپەراسیۆنێن ئارتێشا ترکیێ ل ناڤچە و پارێزگەهێن جودا یێن باکورێ کوردستانێ ب سالانە بەردەوامن.
سالا بۆری ژی ل پرانیا پارێزگەهێن باکورێ کوردستانێ ئۆپەراسیۆنێن ب ناڤێ «ئەرەن-دۆرپێچ –زڤستان» هاتبوون دەستپێکرن و هەتا نها بەردەوامن.
